చాలాగ్యాప్ తర్వాత పూర్ణ ‘సుందరి’గా అవతారమెత్తింది. కల్యాణ్జీ గోగన దర్శకత్వంలో రిజ్వాన్ ఎంటర్టైన్మెంట్ సంస్థ ‘సుందరి’ అనే టైటిల్తో ఒక హీరోయిన్ ఓరియంటెడ్ చిత్రాన్ని నిర్మిస్తోంది. కల్యాణ్జీకి దర్శకుడిగా ఇది రెండో చిత్రం. ఇదివరకు ఆయన విమర్శకుల ప్రశంసలు అమితంగా పొందిన ‘నాటకం’ చిత్రాన్ని రూపొందించారు.
‘సుందరి’ ప్రి లుక్ పోస్టర్ను చిత్ర బృందం విడుదల చేసింది. ఈ పోస్టర్లో సంప్రదాయ వస్త్రధారణలో నృత్యం చేస్తున్నట్లున్న పూర్ణ కాళ్లు కనిపిస్తున్నాయి. టైటిల్ డిజైన్ ఆకర్షణీయంగా, ప్రి లుక్ పోస్టర్ ఆసక్తికరంగా ఉన్నాయి. ఫ్యామిలీ డ్రామాగా తయారవుతున్న ఈ సినిమా టైటిల్కు ‘ది అల్టిమేట్ డెసిషన్ ఆఫ్ యాన్ ఇన్నోసెంట్ లేడీ’ అనే ట్యాగ్లైన్ జోడించారు. అర్జున్ అంబటి ఒక కీలక పాత్ర పోషిస్తున్న ఈ చిత్రాన్ని రిజ్వాన్ నిర్మిస్తున్నారు. ‘సుందరి’ సినిమా షూటింగ్ ముగింపు దశలో ఉంది.
త్వరలో ఫస్ట్ లుక్ పోస్టర్ను చిత్ర బృందం విడుదల చేయనుంది. సురేష్ బొబ్బిలి సంగీతం సమకూరుస్తున్న ఈ చిత్రానికి బాల్ రెడ్డి సినిమాటోగ్రాఫర్గా పనిచేస్తున్నారు. మణికాంత్ ఎడిటింగ్ బాధ్యతలు నిర్వర్తిస్తున్నారు. ఈ చిత్రంలో ‘సుందరి’గా పూర్ణ ప్రేక్షకులను ఆకట్టుకోవడం ఖాయమని యూనిట్ చెబుతోంది. వివిధ చిత్రాల్లో హీరోయిన్ గా నటించిన పూర్ణకు అనుకున్నంత క్రేజ్ రాలేదు. పైగా కెరీర్ గదిలో పడలేదు. ఈ ‘సుందరి’ అయినా పూర్ణను టాలీవుడ్ లో గట్టెక్కిస్తుందో? లేదో చూడాల్సిందే!?