ఈ ఏడాదిలో గామి, గ్యాంగ్స్ ఆఫ్ గోదావరి చిత్రాలతో ప్రేక్షకులను అలరించిన విశ్వక్ సేన్ ఇప్పుడు మెకానిక్ రాకీ సినిమాతో మరొకసారి తన అదృష్టాన్ని పరీక్షించుకునేందుకు వచ్చాడు. మీనాక్షి చౌదరి, శ్రద్ధ శ్రీనాథ్ హీరోయిన్లుగా నటించిన ఈ సినిమాని ఎస్ ఆర్ టి ఎంటర్టైన్మెంట్స్ పతాకంపై రామ్ తల్లూరి నిర్మించారు. సినిమా టీజర్, ట్రైలర్ మంచి స్పందన లభించింది.
దాంతోపాటు తనదైన స్టైల్ లో విశ్వక్ సేన్ చేసిన సినీ ప్రమోషన్స్ కూడా సినిమాపై మంచి హైప్ ని క్రియేట్ చేశాయి. నవంబర్ 22న ప్రేక్షకుల ముందుకు వచ్చిన ఈ సినిమా మిక్స్డ్ టాక్ ని సొంతం చేసుకుంది. రవితేజ ముళ్ళపూడి దర్శకత్వం వహించిన ఈ సినిమా సాంకేతికపరంగా పర్వాలేదనిపించుకుంది. జోక్స్ బిజోయ్ మ్యూజిక్ డైరెక్షన్ ఈ సినిమాకి మంచి ప్లస్ పాయింట్.
సినిమాలో వచ్చే కొన్ని ట్విస్టులు ఆసక్తికరంగా ఉంటాయి. ముఖ్యంగా దర్శకుడు సెకండ్ ఆఫ్ థ్రిల్లింగ్ ఎలిమెంట్స్ తో డిజైన్ చేసి మంచి ట్రీట్ అందించాడు. వీటన్నింటికీ మించి వీరు ఇచ్చిన ఆన్లైన్ స్కామ్ అలర్ట్ మెసేజ్ దానిని మాస్ స్క్రీన్ ప్లే తో చెప్పడం బాగుంది. అయితే విశ్వక్ సేన్ తాజాగా ఆడియన్స్ కి ఒక బంపర్ ఆఫర్ ఇచ్చాడు. ఈ సినిమాలో విశ్వక్ ఆద్యంతం ఒక కారుని వాడుతాడు.
ఆ కారుని గెలుచుకునే అవకాశాన్ని ప్రేక్షకులకు కల్పించాడు ఈ హీరో. ఈ కారు దక్కించుకోవాలంటే సినిమా టికెట్ బుక్ చేసుకున్నట్లు తమ ఫ్యామిలీతో ఒక ఫోటో దిగి #రాఖీకాకార్ అనే హ్యాండ్ టాగ్ పెట్టి ఆ ఫోటో తమ సోషల్ మీడియా అకౌంట్లో పోస్ట్ చేయమన్నారు. అలా పోస్ట్ చేసిన వారిలో నుంచి ఒకరిని ఎంచుకొని తన కారుని వారికి గిఫ్ట్ గా ఇస్తారంట. ఈ విషయాన్ని చెప్తూ హీరో విశ్వక్ సేన్ ఒక పోస్ట్ ని పెట్టారు. మరి ఆ కారు ఏ అదృష్టవంతుడు దక్కించుకుంటాడో చూడాలి.