విజయ్ దేవరకొండ బ్రాండ్ నుంచి అతని తమ్ముడిగా దొరసాని సినిమాతో ఆనంద్ దేవరకొండ సినిమాల్లోకి ఎంట్రీ ఇచ్చాడు. కానీ ఆనంద్‌కు మాత్రం నిరాశే ఎదురైంది. దొరసాని సినిమా అంతగా ఆకట్టుకోలేకపోయింది. పైగా ఆనంద్ దేవరకొండ అచ్చం తన అన్నలానే కనిపించడం, డైలాగ్ డెలివరీ కూడా అలానే ఉండటంతో కొత్త దనం కరువైంది. అయితే తన రెండో ప్రయత్నంగా మంచి కథను ఎంచుకున్నాడు.
మిడిల్ క్లాస్ మెలోడీస్ అంటూ మంచి కథతో ముందుకు వచ్చాడు. మంచి హిట్ కొట్టాడు. కానీ ఓటీటీలో ఈ సినిమా విడుదలవ్వడంతో అందరికీ రీచ్ కాలేకపోయాడు. కానీ మొదటి సక్సెస్‌ను రుచి చూశాడు. మిడిల్ క్లాస్ మెలోడీస్ సినిమాకు మంచి టాక్ రావడమే కాదు.. వర్ష బొల్లమ్మా, ఆనంద్ కెమిస్ట్రీలకు కుర్రకారు ఫిదా అయ్యారు. ఈ ఇద్దరి కాంబోలో వచ్చే సీన్లకు అందరూ ఫిదా అయ్యారు.
తాజాగా ఈ ఇద్దరూ సరిగమప సింగింగ్ ఐకాన్ షోలోనూ సందడి చేశారు. ఈ సినిమాలోని సీన్లను అక్కడ చేసి చూపించారు. అంతేకాకుండా ఓ పాటను కూడా పాడేశాడు ఆనంద్ దేవరకొండ. అక్కడి వరకు బాగానే ఉన్నా.. ఏకంగా హీరోయిన్ వర్ష బొల్లమ్మ ముందు మోకాళ్లపై నిల్చున్నాడు.. ఆమెను ఇంప్రెస్ చేసేశాడు. ప్రస్తుతం ఈ వీడియో సోషల్ మీడియాలో చక్కర్లు కొడుతోంది. ఇలా బుల్లితెరపైనా ఈ ఇద్దరు బాగానే కెమిస్ట్రీని పండిస్తున్నారని నెటిజన్లు కామెంట్లు పెడుతున్నారు.
