స్టార్ డైరెక్టర్ త్రివిక్రమ్ మొదట్లో రైటర్ గా కెరీర్ ను కొనసాగించిన విషయం తెలిసిందే, దర్శకుడిగా మారిన తరువాత కూడా కొంతమంది దర్శకుల కోసం కథలను రాసాడు. ముఖ్యంగా విజయ్ భాస్కర్ కు అడిగిన ప్రతి సారి స్క్రిప్ట్ వర్క్ లో సహాయం చేశాడు. చివరగా జై చిరంజీవ కథను అందించిన త్రివిక్రమ్ మళ్ళీ ఆ తరహాలో ఎవరికీ స్టోరీ సెట్ చేయలేదు.
ఇక దాదాపు 15 ఏళ్ళ తరువాత వెంకీ కుడుముల కోసం స్టోరీ సెట్ చేసినట్లు వార్తలు వస్తున్నాయి. రామ్ పోతినేనితో త్రివిక్రమ్ సినిమా చేయనున్నట్లు గతంలో చాలా సార్లు అనేక రకాల రూమర్స్ వచ్చాయి. అయితే త్రివిక్రమ్ బిజీగా ఉండడం వలన చేయలేకపోతున్నాడట. అందుకే సొంతంగా కథను రాసి వెంకీ చేతిలో పెట్టినట్లు తెలుస్తోంది. ఛలో, భీష్మ సినిమాలతో ఈ దర్శకుడు మంచి విజయాలను అందుకున్న విషయం తెలిసిందే.
గతంలో వెంకీ, త్రివిక్రమ్ దర్శకత్వం వహించిన పలు సినిమాలకు సహాయక దర్శకుడిగా పని చేశాడు. ఇక మొత్తానికి త్రివిక్రమ్ అతని టాలెంట్ ను గుర్తించి రామ్ కోసం రాసిన కథను అతని చేతిలో పెట్టినట్లు సమాచారం. ఇక నెక్స్ట్ ఈ స్టార్ దర్శకుడు జూనియర్ ఎన్టీఆర్ తో ఒక బిగ్ బడ్జెట్ సినిమాను డైరెక్ట్ చేయనున్న విషయం తెలిసిందే.