మహేష్ బాబు గుంటూరు కారం సినిమా ఈమధ్య మళ్ళీ ఊహించిన విధంగా వార్తల్లో నిలిచింది. సినిమా షూటింగ్ హ్యాపీగా కొనసాగుతోంది అనుకున్న సమయంలోనే మహేష్ బాబు మళ్ళీ కొత్త గ్యాప్ ఇచ్చి కుటుంబంతో కలిసి ఫారిన్ ట్రిప్ కు అయితే వెళ్ళాడు. ఇక రెండు వారాలపాటు మహేష్ బాబు వచ్చే అవకాశం లేనట్లుగా తెలుస్తోంది.
ఇక ఈ సమయాన్ని వృధా చేయకూడదు అని త్రివిక్రమ్ గుంటూరు కారం సినిమాకు సంబంధించిన మరికొన్ని కీలకమైన సన్నివేశాలను పూర్తి చేసే పనిలో బిజీ అయినట్లుగా తెలుస్తోంది. అసలైతే అనుకున్న షెడ్యూల్ ప్రకారం మహేష్ బాబు ఇప్పుడు ఉండాలి. కానీ సినిమా మేకింగ్లో మళ్లీ మహేష్ బాబు నుంచి అభ్యంతరాలు వచ్చినట్లుగా కూడా కొన్ని గాసిప్స్ అయితే పుట్టుకొచ్చాయి.
ఇక వాటిపై ఇప్పటి వరకు చిత్ర యూనిట్ ఎలాంటి క్లారిటీ అయితే ఇవ్వలేదు. ఇక లేటెస్ట్ గా అందుతున్న సమాచారం ప్రకారం త్రివిక్రమ్, మహేష్ బాబు లేకపోయినప్పటికీ కూడా కొన్ని సీన్స్ అయితే పూర్తి చేసే పనిలో ఉన్నట్లుగా తెలుస్తోంది. హీరో చిన్ననాటి పాత్రకు సంబంధించిన కొన్ని కీలకమైన సన్నివేశాలను పూర్తి చేస్తున్నట్లు టాక్ అయితే వినిపిస్తోంది.
అలాగే ఈ సినిమాలో ప్రముఖ నటీనటులు కూడా పాల్గొనబోతున్నారట. మంచి ఫ్యామిలీ డ్రామా తో పాటు కొన్ని ఎమోషనల్ సీన్స్ కూడా హీరో చైల్డ్ వూడ్ క్యారెక్టర్ లో ఉంటాయని తెలుస్తోంది. ఇక ఈ సినిమాను 2024 సంక్రాంతికి విడుదల చేయాలని అనుకుంటున్నా విషయం తెలిసిందే. కానీ షూటింగ్ పనులు మాత్రం ఆలస్యం అయ్యే అవకాశముంది. ఏ మాత్రం తేడా వచ్చినా మళ్ళీ సినిమా వచ్చే ఏడాది సమ్మర్ కి షిఫ్ట్ అయ్యే అవకాశం అయితే ఉంది.