దక్షిణాది సినీ ఇండస్ట్రీలో అగ్రతారగా ఎంతో పేరు ప్రఖ్యాతలు సంపాదించుకున్న త్రిష గత దశాబ్దన్నర కాలం నుంచి ఏ మాత్రం అవకాశాలు తగ్గకుండా వరుస సినిమాలలో నటిస్తూ ఎంతో బిజీగా ఉన్నారు. తాజాగా ఈమె మణిరత్నం దర్శకత్వంలో పొన్నియన్ సెల్వన్ సినిమా ద్వారా ప్రేక్షకుల ముందుకు వచ్చి ఎంతో అద్భుతమైన విజయాన్ని సొంతం చేసుకున్నారు. ఇలా ఈ సినిమా మంచి హిట్ కావడంతో ఈమెకు వరుస సినిమా అవకాశాలు వస్తున్నాయి. ఇలా వరుస సినిమా అవకాశాలు రావడంతో ఈమె తన రెమ్యూనరేషన్ కూడా భారీగా పెంచారని తెలుస్తుంది.
ఒకవైపు సినిమాలలో ఎంతో బిజీగా గడుపుతూనే త్రిష మరోవైపు సోషల్ మీడియాలో కూడా ఎంతో యాక్టివ్ గా ఉంటున్నారు.ఈ క్రమంలోనే ఈమె సోషల్ మీడియా వేదికగా తనకు సంబంధించిన అన్ని విషయాలను అభిమానులతో పంచుకుంటారు. అయితే తాజాగా ఈమె ఓ చిన్న ప్రమాదానికి గురైనట్టు తాజాగా సోషల్ మీడియా వేదికగా తెలియజేశారు. ఈమె నటించిన సినిమా హిట్ కావడంతో హాలిడే వెకేషన్ కోసం విదేశాలకు వెళ్లినట్టు తెలుస్తోంది. ఈ క్రమంలోనే విదేశీ పర్యటనలో భాగంగా వెకేషన్ ఎంజాయ్ చేస్తున్న సమయంలో ఒక్కసారిగా కాలు జారి కింద పడటంతో తన కాలికి ప్రమాదం జరిగిందని చెప్పుకొచ్చారు.
ఇలా తన పాదానికి బెల్ట్ వేసి ఉన్నటువంటి ఫోటోని షేర్ చేస్తూ తన వెకేషన్ సగం అయిపోయిందంటూ చెప్పుకోచ్చారు.ఇలా ఈమెకు దెబ్బ తగిలిందని తెలియడంతో అభిమానులు ఎంతో ఆందోళన వ్యక్తం చేయడమే కాకుండా త్వరగా ఈమె కోలుకోవాలని ఆకాంక్షిస్తున్నారు. ప్రస్తుతం త్రిష షేర్ చేసిన ఈ ఫోటో సోషల్ మీడియాలో వైరల్ అవుతుంది.