దియా మిర్జా.. 2011 లో బాలీవుడ్ లో రెహనా హై తేరే దిల్ మే అన్న సినిమాతో హీరోయిన్ గా పరిచయం అయింది. ఆర్ మాధవన్ ఈ సినిమాలో హీరోగా నటించాడు. మొదటి సినిమాతోనే సూపర్ హిట్ అందుకుంది దియా మిర్జా. పక్కా హైదరాబాదీ అయిన దియా మిర్జా హిందీ సినిమాలలో స్టార్ హీరోయిన్ గా మంచి క్రేజ్ ని సంపాదించుకుంది. బాలీవుడ్ లో దస్, లగేరహో మున్నాభాయ్, సంజు లాంటి పలు క్రేజీ సినిమాలలో నటించింది బాలీవుడ్ లో ఒకప్పుడు బిజీ హీరోయిన్ గా వెలిగింది.
దియా మిర్జా గత ఏడాది తాప్సీ తో పాటు తప్పడ్ అన్న సినిమా చేసింది. అలాగే ప్రస్తుతం నాగార్జున నటించిన వైల్డ్ డాగ్ అన్న సినిమాలో హీరోయిన్ గా నటించింది. ఈ సినిమా త్వరలో రిలీజ్ కి రెడీ అవుతోంది. కాగా దియా మిర్జా ప్రముఖ వ్యాపారవేత్తను పెళ్ళి చేసుకోబోతోందంటూ న్యూస్ ఒకటి అటు బాలీవుడ్ లో ఇటు టాలీవుడ్ లో హాట్ టాపిక్ గా మారింది. దియా మీర్జా రెండో పెళ్లి చేసుకోబోతున్నట్లు మీడియాలో వార్తలు వస్తున్నాయి. ముంబైకి చెందిన ప్రముఖ వ్యాపారవేత్త వైభవ్ రేఖీతో దియా కొంతకాలంగా ప్రేమలో ఉన్నట్లు సమాచారం.
ఈ నేపథ్యంలోనే దియా మీర్జా – వైభవ్ రేఖీ ఫిబ్రవరి 15 న పెళ్ళి చేసుకుంటున్నారని జోరుగా ప్రచారం అవుతోంది. వైభవ్ రేఖీ పిరమల్ ఫండ్ మేనేజ్ మెంట్ ప్రైవేట్ లిమిటెడ్ వ్యవస్థాపకుడు. అతను మొదట యోగా – వెల్నెస్ థెరపిస్ట్ సునైనా రేఖీని వివాహం చేసుకున్నాడు. వారికి ఒక కుమార్తె కూడా ఉంది. ఇక దియా మీర్జా కూడా ఇంతకుముందు పెళ్ళి చేసుకుని విడాకులు తీసుకున్న సంగతి తెలిసిందే. దియా మీర్జా 2014 లో నిర్మాత సాహిల్ సంఘాను పెళ్ళి చేసుకుంది. కాని 2019 లో విడిపోతున్నట్లు ప్రకటించారు. ఇక దియా.. ఏ ఏడాదిలోనే వైభవ్ రేఖీతో ప్రేమలో పడ్డారని చెప్పుకుంటున్నారు. అయితే ఈ విషయంలో ఇంకా దియా మిర్జా అధికారికంగా వెల్లడించాల్సి ఉంది.