Mufasa: హాలీవుడ్‌ సూపర్‌ హిట్‌ బ్లాక్‌ బస్టర్స్‌ ప్రాజెక్టుల్లో టాప్‌లో ఉంటుంది ‘ది లయన్‌ కింగ్‌’. ఈ క్రేజీ ప్రాజెక్టుకు ప్రీక్వెల్‌గా వస్తోంది ‘ముఫాసా: ది లయన్‌ కింగ్‌’ (Mufasa). ఇక ఈ మూవీ తెలుగు వర్షెన్‌లో ముఫాసా పాత్రకు టాలీవుడ్‌ స్టార్‌ మహేశ్‌ బాబు (Mahesh Babu) వాయిస్‌ ఓవర్‌ అందించిన విషయం తెలిసిందే.
ఈ మూవీ డిసెంబర్‌ 20న ప్రేక్షకుల ముందుకు రాబోతోంది. ఈ నేపథ్యంలో మూవీ రిలీజ్‌ కౌంట్‌ డౌన్‌ మొదలైంది. ఈ విషయాన్ని తెలియజేస్తూ.. మహేశ్‌ తాజాగా ఎక్స్‌లో ‘హకునా.. మటాటా’ అంటూ ఆసక్తికర పోస్ట్‌ పెట్టారు. మరో నెల రోజుల్లో ఈ మూవీ రిలీజ్‌ కాబోతోందని.. ముఫాసాను (Mufasa) చూసేందుకు సిద్ధంగా ఉండండి అంటూ రాసుకొచ్చారు. ఈ మేరకు ట్రైలర్‌ను ఈ ట్వీట్‌కు జతచేశారు. ప్రస్తుతం మహేశ్‌ (Mahesh Babu) ట్వీట్‌ వైరల్‌గా మారింది.
