బ్రేకింగ్ : మెగాస్టార్ చిరంజీవికి కరోనా… షాక్ లో అభిమానులు

ఈ మాయదారి కరోనా ఇంకా మనల్ని వదిలేట్టు లేదు. ఇప్పటికే ప్రపంచమంతా ఈ కరోనా వల్ల అస్తవ్యస్తం అయింది. ఇఫ్పుడిప్పుడే జనాలు కరోనా భయం నుంచి బయటికి వస్తున్న క్రమంలో మరోసారి టాలీవుడ్ లో కరోనా కలకలం సృష్టించింది.

తాజాగా టాలీవుడ్ మెగాస్టార్ చిరంజీవికి కరోనా సోకింది. ఈ విషయాన్ని మెగాస్టారే తన ట్విట్టర్ లో వెల్లడించారు. త్వరలోనే చిరంజీవి ఆచార్య సినిమా షూటింగ్ ప్రారంభం కానున్న నేపథ్యంలో ఆయన కరోనా టెస్ట్ చేయించుకున్నారట. దీంతో ఆయనకు కరోనా పాజిటివ్ గా తేలిందట.

నాకు కరోనా పాజిటివ్ వచ్చినప్పటికీ ఎటువంటి లక్షణాలు అయితే లేవు. వెంటనే హోమ్ క్వారంటైన్ అయ్యాను. గత 4-5 రోజుల నుంచి నన్ను కలిసిన వారందరూ దయచేసి కరోనా టెస్ట్ చేయించుకోండి. ఎప్పటికప్పుడు నా ఆరోగ్య పరిస్థితిని మీకు తెలియజేస్తాను.. అని చిరంజీవి ట్వీట్ చేశారు.

అయితే.. ఇటీవలే చిరంజీవి.. నాగార్జునతో కలిసి తెలంగాణ ముఖ్యమంత్రి కేసీఆర్ ను కలిసిన విషయం తెలిసిందే. హైదరాబాద్ వరదల వల్ల నష్టపోయిన బాధితుల కోసం ఆయన విరాళం అందించారు. వాళ్లకు కలిసిన రెండు రోజులకే ఆయనకు కరోనా పాజిటివ్ తేలడంతో సర్వత్రా ఆందోళన నెలకొంది.