కోలీవుడ్ స్టార్ ధనుష్, కింగ్ నాగార్జున, నేషనల్ క్రష్ రష్మిక మందన్న ప్రధాన పాత్రల్లో తెరకెక్కుతున్న చిత్రం కుబేర. ఈ సినిమాను శేఖర్ కమ్ముల డైరెక్ట్ చేస్తున్నారు ఈ చిత్రాన్ని సునీల్ నారంగ్, పుస్కూర్ రామ్మోహన్ రావు భారీ బడ్జెట్ తో నిర్వహిస్తున్నారు.ధనుష్ ఈ సినిమాలో ఇదివరకు ఎన్నడూ చేయని ఒక సరికొత్త పాత్రలో కనిపించబోతున్నాడు.
బాలీవుడ్ నటుడు జిమ్ సర్బ్ కీలక పాత్రలో నటిస్తున్నారు. ఈ సినిమాకి దేవి శ్రీ ప్రసాద్ సంగీతం అందిస్తున్నారు. ఇప్పటికే ఈ సినిమా షూటింగ్ టాకీ పార్ట్ చాలా వరకు కంప్లీట్ అయింది. కేవలం రెండు సాంగ్స్ మాత్రమే షూట్ చేయాల్సి ఉందని తెలుస్తోంది. నిజానికి ఈ సినిమా దీపావళి కే రిలీజ్ కావాల్సింది కానీ అనుకోని కారణాల వలన విడుదల చేయటం కుదరలేదు. 2025 ఫిబ్రవరిలో ఈ సినిమా విడుదల ఉండబోతున్నట్లు సమాచారం.
ఇప్పటికే ఈ సినిమా నుంచి విడుదలైన గ్లింప్స్ ప్రేక్షకులని ఎంతగానో ఆకట్టుకున్నాయి. ఈ సినిమా సంపద, దురాశ మరియు ఆశయం అనే అంశాల చుట్టూ తిరుగుతుందని సమాచారం. ముంబైలోని ధారావి మురికివాడ బ్యాక్ డ్రాప్ లో కథ మొదలవబోతుందని, ఒక బిచ్చగాడు నుండి కోటీశ్వరుడు స్థాయికి ఒక వ్యక్తి ఎదిగిన తీరని ఈ సినిమాలో చూపించబోతున్నట్లుగా తెలుస్తోంది. ఈ సినిమాలో ధనుష్ బిచ్చగాడిగా కనిపిస్తాడు.
ఇప్పటివరకు హ్యాపీ డేస్, ఆనంద్, గోదావరి, లైఫ్ ఈజ్ బ్యూటిఫుల్ లాంటి యూత్ ఫుల్ స్టోరీస్ తో వచ్చిన శేఖర్ కమ్ముల మొదటిసారిగా ఒక డిఫరెంట్ కాన్సెప్ట్స్ తో ప్రేక్షకుల ముందుకి వస్తున్నాడు. ధనుష్ నాగార్జున, రష్మిక లాంటి పెద్ద నటి నటులతో అతను తొలిసారి పెద్ద ప్రయోగమే చేయబోతున్నాడు. అయితే సినిమా లైన్ ఏంటన్నది మాత్రం ఎక్కడా లీక్ కాకుండా జాగ్రత్త పడుతున్నారు మూవీ టీం. ఇక ఈ సినిమా తరువాత శేఖర్ కమ్ముల హీరో నానితో సినిమా చేయబోతున్నట్లు సమాచారం. త్వరలోనే ఈ సినిమాపై క్లారిటీ వచ్చే అవకాశం ఉంది.