నేచురల్ స్టార్ నాని ప్రస్తుతం నిన్ను కోరి, మజిలీ చిత్రాల దర్శకుడు శివ నిర్వాణ తో టక్ జగదీష్ అన్న సినిమా చేస్తున్నాడు. షైన్ స్క్రీన్ బ్యానర్ పై హరీష్ పెద్ది, సాహు గారపాటి నిర్మిస్తున్న ఈ సినిమా శరవేగంగా షూటింగ్ జరుపుకుంటుండగా రీతు వర్మ, ఐశ్వర్య రాజేష్ హీరోయిన్స్ గా నటిస్తున్నారు. ఈ డిసెంబర్ వరకు టక్ జగదీష్ కంప్లీటవబోతోందని సమాచారం.
ఇక ఈ సినిమా తర్వాత టాక్సీ వాలా ఫేం రాహుల్ సంకృత్యన్ దర్శకత్వంలో శ్యామ్ సింగ రాయ్ అన్న సినిమా చేయబోతున్నాడు. ఈ సినిమా డిసెంబర్ నుంచి సెట్స్ మీదకి వెళ్ళబోతోంది. సాయి పల్లవి, ఉప్పెన ఫేం కృతి శెట్టి హీరోయిన్స్ గా నటిస్తున్న ఈ సినిమా థ్రిల్లర్ బ్యాక్ డ్రాప్ లో తెరకెక్కబోతోందని తెలుస్తోంది. కాగా ఈ సినిమాని నిహారిక ఎంటర్‌టైన్‌మెంట్స్ బ్యానర్ పై వెంకట్ బోయనపల్లి నిర్మిస్తున్నారు. ఇక ఈ సినిమా ఎక్కువ భాగం కలకత్తా బ్యాగ్ డ్రాప్ లో తెరకెక్కబోతోంది. అందుకే ఇక్కడే భారీ బడ్జెట్ తో సెట్ ని కూడా నిర్మిస్తున్నారట.
ఈ సినిమా తర్వాత నాని తన 28 వ గా ‘అంటే.. సుందరానికీ’ అన్న వెరైటీ టైటిల్ తో ఒక సినిమా చేస్తున్నట్టు ప్రకటించాడు. రీసెంట్ గా ఈ సినిమాని ప్రకటించిన మేకర్స్ తాజాగా టైటిల్ ని అనౌన్స్ చేస్తూ ఓ వీడియోని రిలీజ్ చేశారు. ఈ సినిమాతో మలయాళ స్టార్ హీరోయిన్ నజ్రియా ఫహాద్ టాలీవుడ్ లోకి అడుగుపెడుతుంది. కాగా యంగ్ డైరెక్టర్ వివేక్ ఆత్రేయ ఈ సినిమాని తెరకెక్కిస్తున్నాడు. ప్రముఖ నిర్మాణ సంస్థ మైత్రీ మూవీ మేకర్స్ నిర్మిస్తున్నారు. అయితే ఈ సినిమాలో నాని క్యారెక్టర్ కి అత్యుత్సాహం ఉంటుందని ప్రతీ విషయంలో తొందపాటుగా ప్రవర్తిస్తాడని తెలుస్తోంది.
అలా తొందరపాటు లో జరిగే విషయాల వల్ల నాని ఇబ్బందులో పడుతుంటాడని అందులో నుంచి బోలెడంత హాస్యం పుట్టుకొస్తుందని ఆ కారణంగానే ఈ సినిమాకి ‘అంటే.. సుందరానికీ’ అన్న టైటిల్ ని ఫిక్స్ చేసినట్టు విశ్వసనీయ వర్గాల ద్వారా అందుతున్న సమాచారం. నిజంగా ఇదే గనక కథ అయితే ఖచ్చితంగా నాని కి భలే భలే మగాడివోయ్ లాంటి భారీ హిట్ గ్యారెంటీ అంటున్నారు.