Taapsee To Join Charan : సౌత్లో ఒకప్పుడు స్టార్ హీరోయిన్ హోదా దక్కించుకుంది తాప్సీ. కానీ, బాలీవుడ్ పైనే ఎక్కువ అభిమానం పెంచుకుందీ ముద్దుగుమ్మ. సౌత్ నుంచి నార్త్కి వెళ్లాకా, సౌత్ సినిమాలపైనా, ఇక్కడి ఫిలిం మేకర్ల పైనా అవాకులు చవాకులు పేలింది.
సౌత్లోని స్టార్ డైరెక్టర్లను సైతం ఆమె ధూషించింది. అయితే, ఆ తర్వాత తప్పయిపోయిందని క్షమాపణలు కోరిందనుకోండి. ఇప్పుడు అక్కడా, ఇక్కడా కూడా సత్తా చాటుతోంది. బాలీవుడ్లో హీరోయిన్ సెంట్రిక్ మూవీస్కి కేరాఫ్ అడ్రస్గా నిలిచిన తాప్సీ, తెలుగులో ఈ మధ్య ఓ సినిమాలో నటించింది.
అదే ‘మిషన్ ఇంపాజిబుల్’ మూవీ. ఇదో డిఫరెంట్ కాన్సెప్టు మూవీ. ఈ సినిమా ప్రీ రిలీజ్ ఫంక్షన్కి మెగాస్టార్ చిరంజీవి ముఖ్య అతిథిగా వచ్చి తాప్సీని ప్రశంసించారు. సినిమాకి సపోర్ట్గా నిలిచారు. కాగా, ఈ ఫంక్షన్ నిమిత్తం తాప్సీకి చిరంజీవి ఓ మాటిచ్చారనీ తెలుస్తోంది.
ఆ క్రమంలోనే మెగా కాంపౌండ్ నుంచి తాప్సీ ఓ బంపర్ ఆఫర్ కొట్టేసిందనీ అనుకుంటున్నారు. అయితే, అది మెగాస్టార్ సినిమా కాదు. రామ్ చరణ్ – శంకర్ కాంబినేషన్లో తెరకెక్కుతోన్న ప్రతిష్టాత్మక చిత్రం.
ఈ చిత్రంలో తాప్సీకి ఓ స్పెషల్ రోల్ దక్కిందట. తక్కువ నిడివి వున్న పాత్రే కానీ, ఎక్కువ ఇంపార్టెన్స్ వుండబోతోందట. తాప్సీ టాలెంట్కి తగ్గ రోల్ అనీ అంటున్నారు. అన్నట్లు, ఈ సినిమాలో కియారా అద్వానీ హీరోయిన్గా నటిస్తోన్న సంగతి తెలిసిందే.