Sushanth: మాస్ మహారాజా రవితేజ సినిమా తర్వాత చేస్తున్న సినిమా రావణాసుర. డైరెక్టర్ సుధీర్ దీనిని యాక్షన్ థ్రిల్లర్ గా తెరకెక్కించనున్నారు.అభిషేక్ పిక్చర్స్, ఆర్‌టి టీమ్‌వర్క్స్‌పై అభిషేక్ నామా ఈ చిత్రాన్ని గ్రాండ్‌గా నిర్మిస్తున్నారు. ఈ సినిమాలో మొత్తం ఐదుగురు కథానాయికలు నటిస్తున్నారు.అను ఇమ్మాన్యుయేల్, మేఘా ఆకాష్, ఫరియా అబ్దుల్లా, దక్షా నాగర్కర్, పూజిత పొన్నాడ మొత్తం ఐదుగురు కథానాయికలు నటిస్తున్న ఈ సినిమాలో రవితేజ లాయర్‌గా నటిస్తున్నాడు.రచయితగా కొన్ని పవర్‌ఫుల్ చిత్రాలకు పనిచేసిన శ్రీకాంత్ విస్సా ఈ సినిమా కోసం కొత్త తరహా కథను రాశారు. హర్షవర్ధన్ రామేశ్వర్, భీమ్స్ సంయుక్తంగా ఈ చిత్రానికి సంగీతం అందించగా, విజయ్ కార్తీక్ కన్నన్ ఛాయాగ్రహణం, శ్రీకాంత్ ఎడిటర్ గా చేస్తున్నారు.
రావు రమేష్, మురళీ శర్మ, సంపత్ రాజ్, నితిన్ మెహతా (అఖండ ఫేమ్), సత్య, జయ ప్రకాష్ తదితరులు ముఖ్య పాత్రలో నటిస్తున్నారు.రవితేజతో పాటు కీలక పాత్రలో సుశాంత్ నటిస్తున్నారు. ఈ సినిమా సంబంధించిన షూటింగ్ లో రవితేజ తో పాటు సుశాంత్ కూడా పాల్గొంటున్నారు. సుశాంత్ పుట్టినరోజు సందర్భంగా ఆయనకు చిత్రబృందం శుభాకాంక్షలు తెలుపుతూ ప్రత్యేక పోస్టర్ ని విడుదల చేశారు.
విడుదల చేసిన పోస్టర్ ను బట్టి చూస్తే ఈ సినిమాలో సుశాంత్ పాత్ర చాలా వైవిధ్యంగా ఉందని అర్థమవుతోంది.సుశాంత్ నీలి రంగు కళ్ళతో, పొడవాటి జుట్టు, గడ్డంతో తీక్షణంగా చూస్తున్నట్లు కనిపిస్తున్నాడు. ఏ సినిమాలో సుశాంత్ పాత్ర ఎలా ఉంటుందో చూడాలి మరి..