ఈ ఏడాదికి ఇండియన్ సినిమా దగ్గర భారీ హిట్ అయ్యినటువంటి సినిమా ఏదన్నా ఉంది అంటే అది బాలీవుడ్ నుంచి హీరో కింగ్ ఖాన్ షారుఖ్ ఖాన్ హీరోగా బాలీవుడ్ ఏక్షన్ సినిమాల స్పెషలిస్ట్ దర్శకుడు సిద్ధార్థ్ ఆనంద్ తెరకెక్కించిన భారీ పాన్ ఇండియా సినిమా “పఠాన్” అనే చెప్పాలి.
కాగా ఈ సినిమా బాక్సాఫీస్ వద్ద 1035 కోట్లకి పైగా వసూలు చేయగా హిందీ మార్కెట్ లో అయితే ఆరేళ్ళ నుంచి చెక్కు చెదరకుండా ఉన్న బాహుబలి 2 రికార్డు ని కూడా క్రాస్ చేసింది. కాగా ఈ సినిమా థియేట్రికల్ రిలీజ్ కూడా ఆల్ మోస్ట్ కంప్లీట్ అవ్వగా సినిమా ఓటిటి రిలీజ్ కోసం అంతా ఆసక్తిగా ఎదురు చూస్తున్నారు.
అయితే కొన్ని రోజులు కితం ఈ సినీమా స్ట్రీమింగ్ ని అమేజాన్ ప్రైమ్ వీడియో వారు ఈ మార్చ్ 25న ఉన్నట్టుగా యూట్యూబ్ లో యాడ్స్ లో కన్ఫర్మ్ చేశారు. కానీ లేటెస్ట్ గా అయితే ఈ స్ట్రీమింగ్ ఇంకా ముందుకే తెచ్చేసినట్టుగా తెలిపారు. ఈసారి అయితే రేపే మార్చ్ 22 నుంచి ఈ సినిమా ప్రైమ్ వీడియోలో అందుబాటులో ఉండనున్నట్టుగా కన్ఫర్మ్ చేశారు.
మరి ఈ సినిమా అయితే రేపు నుంచి హిందీ తమిళ్ మరియు తెలుగు భాషల్లో అందుబాటులో ఉండనుంది అని ప్రైమ్ వీడియో వారు సోషల్ మీడియాలో కన్ఫర్మ్ చేశారు. ఇంకా ఈ భారీ సినిమాలో సల్మాన్ ఖాన్ కూడా నటించగా దీపికా పదుకొనె హీరోయిన్ గా చేసింది. అలాగే యష్ రాజ్ ఫిల్మ్స్ వారి బ్యానర్ నుంచి స్పై యూనివర్స్ లో భాగమైన సినిమాగా ఇది వచ్చింది. నెక్స్ట్ సల్మాన్ నుంచి లో “టైగర్ 3” రాబోతుంది.