సూపర్ స్టార్ మహేష్ బాబు ప్రస్తుతం త్రివిక్రమ్ శ్రీనివాస్ డైరెక్షన్ లో సినిమా చేస్తున్న సంగతి తెలిసిందే. SSMB28 అనే వర్కింగ్ టైటిల్ తో షూటింగ్ జరుపుకుంటోంది ఈ మూవీ. ఈ సినిమాలో పూజా హెగ్డే, శ్రీరీల హీరోయిన్స్ గా నటిస్తున్న సంగతి తెలిసిందే. ఇదిలా ఉంటే ఈ మూవీకి సంబంధించి లేటెస్ట్ అప్ డేట్ ఇప్పుడు మహేష్ ఫ్యాన్స్ తో పాటు సినీ ప్రేక్షకుల్లో ఆసక్తి రేకెత్తిస్తోంది.
ఉగాది రోజున ఈ సినిమా టైటిల్ ను ప్రకటిస్తారని అంతా అనుకున్నప్పటికీ ఎలాంటి అప్ డేట్, అనౌన్స్ మెంట్ ఇవ్వకుండా మూవీ టీం నిరాశ పరిచింది. అయితే తాజాగా ఈ మూవీ కోసం ఇంట్రెస్టింగ్ టైటిల్ లాక్ చేసినట్లు తెలుస్తోంది. ఈ చిత్రానికి ‘అయోధ్యలో అర్జునుడు’ అనే టైటిల్ పెడతారని అంతా అనుకున్నప్పటికీ అది అబద్ధమని తేలిపోయింది.
అయితే ఈ మోస్ట్ ఆంటిసిపేటెడ్ మూవీకి ‘అమరావతికి అటు ఇటు’ అనే టైటిల్ ను సినిమా టీమ్ పరిశీలిస్తున్నట్లు తెలుస్తోంది. త్వరలోనే ఫస్ట్ లుక్ పోస్టర్ తో టైటిల్ ను రివీల్ చేసే ఆలోచనలో ఉన్నాడట త్రివిక్రమ్. అయితే త్వరలోనే ఈ ఇంట్రెస్టింగ్ అనౌన్స్మెంట్ కోసం ప్లాన్ చేస్తున్నారట మూవీ మేకర్స్.
హారిక & హాసిని క్రియేషన్స్ ఈ చిత్రాన్ని నిర్మిస్తోంది. ఇప్పటికే హైదరాబాద్ లోని సారథి స్టూడియోస్ లో చిత్రీకరణ జరుపుకుంది SSMB28. ప్రస్తుతం ఈ సినిమాకు సంబంధించిన ముఖ్యమైన షెడ్యుల్ ప్రస్తుతం హైదరాబాద్ శివార్లలో జరుపుకుంటోంది.
ఈ సినిమాలో నైట్ సీక్వెన్స్ ఒకటి ఉంటుందని ఆ నైట్ సీక్వెన్స్ షూటింగ్ కోసం ఒక వారం రోజులు పాటు వరుసగా నైట్ షూటింగ్స్ ప్లాన్ చేస్తున్నారని తెలుస్తోంది. ఈ సినిమా కోసమే వికారాబాద్ దగ్గరలోని శంకర్ పల్లి అనే గ్రామంలో ఒక భారీ ఇంటి నిర్మాణం చేపట్టారు. భారీ సెట్ గా నిర్మించిన దీంట్లోనే సింహభాగం షూటింగ్ జరుగుతోంది. వీలైనంత త్వరగా ఈ సినిమా షూటింగ్ పూర్తి చేసేందుకు మూవీ మేకర్స్ ప్రయత్నాలు చేస్తున్నట్లు సమాచారం.