లేటెస్ట్ గా టాలీవుడ్ సినిమా దగ్గర మంచి అంచనాలు నడుమ రిలీజ్ అయ్యిన చిత్రాల్లో ఎక్కువ బజ్ తో వచ్చిన చిత్రం “స్కంద” కూడా ఒకటి. ఉస్తాద్ రామ్ పోతినేని హీరోగా శ్రీ లీల హీరోయిన్ గా దర్శకుడు బోయపాటి శీను తెరకెక్కించిన ఈ సినిమా ఒకింత మంచి రెస్పాన్స్ నే అందుకొని అదరగొట్టింది.
పైగా రామ్ కెరీర్ లోనే మంచి ఓపెనింగ్స్ ని మొదటి రోజు సాధించిన ఈ చిత్రం రెండు రోజులు కూడా మంచి వసూళ్లనే రిజిస్టర్ చేసినట్టుగా ట్రేడ్ వర్గాలు చెప్తున్నాయి. కాగా ఈ చిత్రం అయితే మూడు రోజుల్లో రెండు తెలుగు స్టేట్స్ ఏపీ మరియు తెలంగాణాలో మంచి నెంబర్ లనే నమోదు చేసినట్టుగా ఇప్పుడు వినిపిస్తుంది.
కాగా ఈ చిత్రం మొత్తం మూడు రోజుల్లో అయితే ఏపీ మరియు తెలంగాణలో 15.37 కోట్లు షేర్ ని రాబట్టిందట. మరి నైజాం లో ఈ చిత్రం మూడు రోజుల్లో 6.3 కోట్లకి పైగా షేర్ అందుకోగా సీడెడ్ లో 2.22 అలాగే ఉత్తరాంధ్ర 1.97 కోట్ల షేర్ అలానే మిగతా ఏపీ ప్రాంతాల్లో మరో నాలుగు కోట్ల మేర షేర్ ని అయితే ఈ చిత్రం అందుకుంది.
దీనితో ఈ చిత్రం మొత్తం మూడు రోజుల్లో 15 కోట్లకి పైగా వసూళ్ళని అయితే రాబట్టింది. ఇక ఈ చిత్రంకి ఈ ఆదివారం వసూళ్లు కూడా మంచి ప్లస్ అని చెప్పొచ్చు. మరి వీటితో దగ్గరగా 20 కోట్ల షేర్ కి స్కంద టచ్ అవుతుంది. అయితే ఇప్పటివరకు ఇవి డీసెంట్ వసూళ్లే కావచ్చు కానీ ఇంకా ఎక్కువ నమోదు కావాల్సి ఉంది. దీనితో ఈ చిత్రం బాక్సాఫీస్ వద్ద త్వరగా సేఫ్ అవుతుంది. లేకపోతె ఈ చిత్రానికి నష్టాలు తప్పవని ట్రేడ్ వర్గాల అంచనా. ఇక పోతే ఈ చిత్రానికి థమన్ సంగీతం అందించాడు.