సౌత్ ఇండియా సినిమా దగ్గర మంచి క్రేజ్ అండ్ మార్కెట్ ఉన్నటువంటి హీరోయిన్స్ లో తమిళ నటి నయనతార కూడా ఒకరు. కాగా నయనతార హీరోయిన్ గా కంటే ఇప్పుడు ఎక్కువ లేడీ ఓరియెంటెడ్ సినిమాలు చేస్తుండగా ఆమె చేసిన లేటెస్ట్ ఓ సినిమానే ఓటిటి ప్లాట్ ఫామ్ నెట్ ఫ్లిక్స్ లో అయితే విడుదల అయ్యింది.
కాగా ఆ చిత్రమే “అన్న పూరణి”. మరి ఈ చిత్రాన్ని దర్శకుడు నీలేష్ కృష్ణ తెరకెక్కించగా ఈ సినిమా రిలీజ్ అయ్యిన రోజు నుంచే కాంట్రవర్సీలలో ఇరుక్కుంది. కాగా ఈ సినిమాలో హిందూ సంప్రదాయాలని మంటగలిపేలా సన్నివేశాలు ఉన్నాయని అలాగే ఈ సినిమాతో లవ్ జిహాద్ ని ప్రోత్సహిస్తున్నారు అని నేషనల్ పార్టీల వారు కంప్లైంట్ రైజ్ చేయగా ఎఫ్ ఐ ఆర్ కూడా నమోదు అయ్యింది.
అయితే ఈ సినిమా కోసం మరింతమందికి తెలియగా గత రెండు రోజులు నుంచి అయితే సోషల్ మీడియాలో కూడా ఇలాంటి సినిమాలు స్ట్రీమింగ్ చేస్తున్నందుకు నెట్ ఫ్లిక్స్ ని బాయ్ కాట్ చెయ్యాలని నెటిజన్స్ ఆగ్రహం వ్యక్తం చేశారు. కాగా ఇప్పుడు ఈ కాంట్రవర్సీ మరింత స్థాయిలోకి వెళ్తుండగా నెట్ ఫ్లిక్స్ అయితే వెనకడుగు వేసింది.
ప్రస్తుతం స్ట్రీమింగ్ అవుతున్న ఈ సినిమాని నెట్ ఫ్లిక్స్ లో తీసేసారు. దీనితో ఇపుడు ఒకింత వాతావరణం చల్లబడింది. మరి ఈ సినిమా కాంట్రవర్సీకి ఇది పూర్తి ముగింపా కాదా అనేది చూడాలి. ఈ చిత్రానికి అయితే రేటింగ్స్ కూడా చాలా దారుణంగా చూసినవారు అందించారు.