మెగాస్టార్ చిరంజీవి సినిమాలో అవకాశం అంటే ఎవ్వ‌రూ వ‌దులుకోరు. మెగాస్టార్ ఇన్ఫిరేష‌న్‌ తో సినిమా ఇండ‌స్ట్రీలోకి వ‌చ్చిన వారే కాదు వారి కుటుంబంలోని హీరోలు సైతం ఆయ‌న‌తో ప‌నిచేసేందుకు ఎదురుచూస్తుంటారు. అలాంటి అవ‌కాశ‌మే చిరంజీవి అంటే ఎంతగానో ఇష్ట‌ప‌డే ఓ టాలెంటెడ్ హీరోకు వ‌చ్చింది. అంతే ఆ న‌టుడు ఇప్పుడు సంతోషంలో తేలుతున్నాడ‌ట. ఇంత‌కు ఆ హీరో ఎవ‌రంటే.. స‌త్య‌దేవ్.
టాక్ ఆఫ్ ది ఇండ‌స్ట్రీగా మారిన స‌త్య‌దేవ్ మొద‌టి నుంచి చిరంజీవిపై ప్ర‌త్యేక‌మైన అభిమానాన్ని చూపుతూ వ‌స్తున్నారు. గ‌తేడాది చిరంజీవి పుట్టిన‌రోజు సంద‌ర్భంగా స్పెష‌ల్ డ్యాన్స్ వేసి అంద‌రినీ ఆక‌ట్టుకున్నాడు ఈ హీరో.
అంతేకాదు తాజాగా చిరుతో ఓ ఫొటోను షేర్ చేసి.. ఈ ఫొటో షేర్ చేయ‌కుండా 2020కు గుడ్ బై చెప్ప‌లేము అని కామెంట్ పెట్టాడు. ఇక మ‌ల‌యాళంలో మంచి విజ‌యం సాధించిన లూసిఫ‌ర్‌ని తెలుగులో రీమేక్ చేస్తున్న విష‌యం తెలిసిందే. త‌మిళ ద‌ర్శ‌కుడు మోహ‌న్ రాజా ఈ రీమేక్‌కి ద‌ర్శ‌క‌త్వం వ‌హిస్తున్నారు. ప్ర‌స్తుతం దీనికి సంబంధించిన ప్రీ ప్రొడ‌క్ష‌న్ ప‌నులు జ‌రుగుతున్నాయి.
ఈ రీమేక్‌లో ఓ పాత్ర కోసం మూవీ యూనిట్ స‌త్య‌దేవ్‌ని సెల‌క్ట్ చేసుకుంద‌ట. అస‌లే త‌న ఆరాధ్య దైవం సినిమా అనే స‌రికి ఏ మాత్రం ఆలోచించ‌కుండా ఓకే చెప్పేశాడ‌ట. దీనికి సంబంధించిన అధికారిక ప్ర‌క‌ట‌న త్వ‌ర‌లోనే రానున్న‌ట్లు తెలుస్తోంది. ఎన్వీఆర్ సినిమాస్, కొణిదెల ప్రొడ‌క్ష‌న్స్ సంయుక్తంగా నిర్మిస్తోన్న ఈ మూవీని నిర్మిస్తున్నారు.