సంచలన దర్శకుడు సందీప్ రెడ్డి వంగా అర్జున్ రెడ్డి సినిమాతో ఇండస్ట్రీ మొత్తాన్ని తన వైపు చూసేలా చేశారు.అదే చిత్రాన్ని బాలీవుడ్ లో చేసి అక్కడ కూడా తన సత్తా చాటుకున్నారు. ఆ తర్వాత ఆయన తీసిన యానిమల్ సినిమా ఎంత పెద్ద హిట్ అయిందో అందరికీ తెలిసిందే. ఈ సినిమా ఎన్నో విమర్శలు ఎదుర్కొన్నప్పటికీ మంచి విజయాన్ని అందుకోవటం గమనార్హం.
ప్రస్తుతం టాప్ మోస్ట్ డైరెక్టర్ల పక్కన స్థానం సంపాదించిన సందీప్ రెడ్డి వంగా తో సినిమాలు చేయడం కోసం స్టార్ హీరోలు సైతం ఎదురుచూస్తున్నారు. అయితే ప్రస్తుతం సందీప్ రెడ్డి ప్రభాస్ తో తీయబోయే స్పిరిట్, మరియు యానిమల్ పార్ట్ టు సినిమాల బిజీలో ఉన్నాడు. అయితే సందీప్ సినిమాలని ఎంత క్రియేటివ్ గా తీస్తాడో, అంతే క్రియేటివ్ గా మాట్లాడుతాడు కూడా. తన అభిప్రాయాలని డిఫరెంట్ స్టైల్లో వ్యక్తపరుస్తూ అందరి దృష్టిని ఆకర్షిస్తూ ఉంటాడు. అలాగే ఈ మధ్య మహేష్ బాబు గురించి చేసిన వ్యాఖ్యలు వైరల్ అయ్యాయి.
ఇంతకీ సందీప్ మహేష్ గురించి ఏం మాట్లాడాడంటే సినిమాల్లో కనిపించే మహేష్ బాబు కి బయట కనిపించే మహేష్ బాబు కి ఎంతో డిఫరెన్స్ ఉంటుందని, సినిమాల్లో మనం 25% మహేష్ బాబుని మాత్రమే చూస్తామని మిగిలిన 75% ఎవరికి కనిపించదని చెప్పుకొచ్చారు సందీప్ రెడ్డి. అంతేకాకుండా ఒక యాడ్ కోసం తాను మహేష్ బాబు తో వర్క్ చేశానని, ఆయనని దగ్గర్నుంచి చూశానని, అతను షూ లేస్ కట్టుకునే స్టైల్ దగ్గర నుంచి షర్ట్ సరి చేసుకునే స్టైల్ వరకు అన్నీ చాలా డిఫరెంట్ గా ఉంటాయని, మహేష్ లో ఉండే ఫుల్ ఎనర్జీ మనం సినిమాలో ఇప్పటివరకు పూర్తిగా చూడలేదని చెప్పుకొచ్చాడు.
మహేష్ బాబు ని ఇంతగా అభిమానించే సందీప్ రెడ్డి అతనితో సినిమా తీయాలని భావించినట్లు, యానిమల్ కధ మహేష్ బాబుకి చెప్పినట్లు అప్పట్లో రూమర్స్ వచ్చాయి కానీ అవి ఏవి నిజం కాదని సందీప్ రెడ్డి ఖండించాడు కూడా. వీరిద్దరి కాంబినేషన్లో సినిమా కోసం ఇప్పటికీ వారి అభిమానులు ఎదురుచూస్తున్నారు అయితే ఇది ఇప్పట్లో జరిగే పని కాదు ఎందుకంటే సందీప్ రెడ్డి స్పిరిట్, యానిమల్ సినిమాలతో బిజీగా ఉంటే మహేష్ బాబు రాజమౌళి సినిమా కోసం కమిట్ అయిపోయాడు.