సామ్ జామ్ మెగాస్టార్ ప్రోమో వచ్చేసింది !

కరోనా కాలంలో ఎంటర్టైన్మెంట్ కి కేరాఫ్ గా నిలిచింది ఓటిటి. లాక్ డౌన్ మొదలైన తర్వాత ఎన్నో ఓటిటిలు పుట్టుకొచ్చాయి. అందులో ఆహా కూడా ఒకటి. ప్రముఖ ఓటీటీ ఆహా కోసం కథానాయిక సమంత నిర్వహిస్తున్న సెలబ్రిటీ టాక్ షో సామ్ జామ్.

ఈ కార్యక్రమం కోసం పలువురు సెలబ్రిటీలను సమంత ఇంటర్వ్యూ చేస్తోంది. ఇప్పటికే విజయ్ దేవరకొండ, రానా, తమన్నా తదితరులతో సందడి చేసిన సమంత తాజాగా మెగాస్టార్ చిరంజీవిని కూడా ఇంటర్వ్యూ చేసింది.

ఆ కార్యక్రమానికి సంబంధించిన చిన్న చిన్న వీడియోలను ఆహా టీమ్ ఇప్పటికే విడుదల చేసింది. తాజాగా పూర్తి ప్రోమో బయటకు వచ్చింది. సమంతతో కలిసి చిరంజీవి చేసిన సందడిని ప్రోమోలో చూపించారు. సమంత అడిగిన పలు ఆసక్తికర ప్రశ్నలకు చిరు సమాధానాలిచ్చారు. కళ్లకు గంతలు కట్టుకుని దోశను తిరగేశారు. క్రిస్మస్ సందర్భంగా ఈ నెల 25 నుంచి ఈ కార్యక్రమం స్ట్రీమింగ్‌కు రాబోతోంది.