Samantha : సమంత, విజయ్ దేవరకొండతో కలిసి మహానటిలో నటించింది. ఇక ఆ తరువాత వీళ్లిదరు కలిసి సినిమా చేయలేదు.ఇక రీసెంట్ గా వీళ్లిదరు కలిసి సినిమా చేయబోతున్నట్లు వార్తలు వచ్చాయి. ఇక ఈ సినిమా ఒక రొమాంటిక్ లవ్ స్టోరీగా రాబోతోందని సమాచారం. ఇక ఈ సినిమాలో విజయ్ ఆర్మీ ఆఫీసర్ గా కనిపించనున్నాడు.
ఈ సినిమా షూటింగ్ త్వరలో ప్రారంభమవుతుందని ప్రకటించింది చిత్ర యూనిట్.ఈనెల 21నే ఈ సినిమాను ప్రారంభించనున్నట్లు తెలుస్తోంది. పూజా కార్యక్రమాలతో ఈ ప్రాజెక్ట్ ప్రారంభం కానుంది. ఆ తర్వాత ఇదే నెల 23నుంచే ఈ సినిమా రెగ్యులర్ షూటింగ్ ప్రారంభం కానుంది. ఫస్ట్ షెడ్యూల్ను కశ్మీర్లో ప్లాన్ చేసినట్లుగా తెలుస్తోంది. ఇక ‘మజిలీ’ తరువాత శివ నిర్వాణ దర్శకత్వంలో సమంత చేస్తున్న ప్రాజెక్ట్ కావడం, విజయ్ ఇందులో హీరోగా చేయడంతో ఈ సినిమాపై ఎంతో ఆసక్తి నెలకొంది.
విజయ్ ప్రస్తుతం లైగర్ సినిమా షూటింగ్ లో బిజీగా ఉన్నాడు. ఈ సినిమా షూటింగ్ చివరి దశలో ఉంది. ఇక ఈ సినిమా లో అనన్య పాండే హీరోయిన్ గా నటిస్తోంది. ఈ సినిమా తరువాత మరోసారి పూరీ జగన్నాథ్ తోనే సినిమా చేయనున్నాడు విజయ్ దేవరకొండ. జనగణమన సినిమా కూడా త్వరగా షూటింగ్ ప్రారంభించాలని పూరీ భావిస్తున్నారు. ఇక ఈ రెండు సినిమాల తర్వాత శివ నిర్వాణ సినిమా మొదలుపెడతారో లేక రెండు సినిమాలు ఒకేసారి షూటింగ్ స్టార్ట్ చేస్తారో క్లారిటీ రావాల్సి ఉంది.