ఇప్పుడు ఒక్క టాలీవుడ్ లోనే కాకుండా మొత్తం సౌత్ ఇండియా సహా పాన్ ఇండియా లెవెల్లో కూడా స్టార్ హీరోయిన్ సమంతా కి భారీ క్రేజ్ నెలకొంది. లేటెస్ట్ గా పుష్ప లో హాట్ సాంగ్ లో సెన్సేషన్ రేపిన సామ్ తన రెండో ఇన్నింగ్స్ లో వెనక్కి తిరిగి చూసుకోడం లేదు.
హిందీలో కూడా బాగా బిజీగా ఉంటున్న సమంతా అక్కడ సినీ వర్గాల ప్రముఖులతో కూడా బాగానే కలుస్తుంది. అలా లేటెస్ట్ గా బాలీవుడ్ లో బిగ్గెస్ట్ హిట్ షో అయినటువంటి కాఫీ విత్ కరణ్ లో పాల్గొన్న సమంత బాగానే రచ్చ చేసింది. మరి ఈ షో లో అయితే పలువురు స్టార్ హీరోస్ పై ఒక్క మాటల్లో చెప్పమంటే..
ఏ హీరోకి కూడా ఇవ్వని అదిరే స్టేట్మెంట్ మెగాపవర్ స్టార్ రామ్ చరణ్ పై ఆమె ఇచ్చింది. ఐకాన్ స్టార్ అల్లు అర్జున్ అంటే ఒక మ్యాజిక్ అని అలాగే ధనుష్ అయితే గ్లోబల్ స్టార్ అని ఇక రామ్ చరణ్ అయితే ఓజి అని తెలిపింది. ఈ ఓజి అంటే ఏంటి వింతగా ఉందే అని ముందు అంతా అనుకున్నారు.
కానీ తర్వాత చెప్పింది అసలు మ్యాటర్ ఏంటో. ఈ ఓజి అంటే ఒరిజినల్ గ్యాంగ్ స్టర్ అట. అంటే రామ్ చరణ్ ని ఉద్దేశించి సామ్ ఈ సాలిడ్ బిరుదు ఇచ్చింది. దీనితో ఈ క్రేజీ ట్యాగ్ సోషల్ మీడియాలో మరియు మెగా ఫ్యాన్స్ లో వైరల్ గా మారింది. మరి ఈ ఇద్దరి కాంబోలో రంగస్థలం అనే భారీ హిట్ వచ్చిన సంగతి అందరికీ తెలిసిందే.