సమంత, నాగచైతన్యల లవ్ స్టోరీ, మధ్యలో ఒడిదుడుకులు, చివరకు పెళ్లి, అన్యోన్య దాంపత్యం గురించి అందరికీ తెలిసిందే. నేటికీ వీరు నూతన దంపతుల్లానే ఉంటారు. ఎన్నేళ్లైనా కొత్త జంటలా ఉండటమే వీరి ప్రత్యేకత. టాలీవుడ్లో ది బెస్ట్ క్యూట్ కపుల్స్ అంటే కచ్చితంగా చైసామ్ అని ఎవ్వరైనా చెప్పాల్సిందే. తెరపై సక్సెస్ అయిన జంటగా పేరు తెచ్చుకోవడమే కాదు.. నిజ జీవితంలోనూ సక్సెస్ అయ్యారు.
నేడు వీరి వివాహా మహోత్సం. ఈ పెళ్లి రోజున సమంత నాగచైతన్యపై ఉన్న ప్రేమను చాటింది. మామూలుగా సమంత షేర్ చేసే ఫోటోల్లోనో నాగచైతన్యపై ఉన్న ప్రేమ కనిపిస్తూ ఉంటుంది. ఆ మధ్య రానా పెళ్లిలో సమంత చేసిన సందడి.. చైతన్యను ఆట పట్టించిన సంగతి తెలిసిందే. రానా పెళ్లి వేడుకలకు సంబంధించిన ఫోటోల్లోంచి సమంత ఓ ఫోటోను షేర్ చేసింది. చైతన్య సమంతపై అక్షింతలు చల్లినట్టుగా.. సమంత నవ్వుతున్న ఫోటోను షేర్ చేసింది. ఆ సమయంలో ఆ ఫోటో ఎంతగా వైరల్ అయిందో అందరికీ తెలిసిందే.
తాజాగా వెడ్డింగ్ యానివర్సరీ సందర్భంగా అలాంటి ఓ అద్భుతమైన ఫోటోను సామ్ షేర్ చేసింది. దాంతో పాటు అదిరిపోయే కామెంట్ కూడా పెట్టింది. ‘నువ్ నాకు చెందిన వాడివి.. నేను నీ దాన్ని.. మన ప్రయాణంలో ఎలాంటివి ఎదురైనా ఇద్దరం కలిసి ముందుకు వెళ్దాం.. హ్యాపీ యానివర్సరీ హజ్బండ్.. ’అంటూ సమంత పోస్ట్ చేసింది. ప్రస్తుతం ఈ ఫోటో నెట్టింట్లో చక్కర్లు కొడుతోంది.