టాలీవుడ్ క్యూట్ కపుల్ నాగ చైతన్య సమంతలు ప్రస్తుతం మాల్దీవుల్లో ఎంజాయ్ చేస్తున్నారు. అంతకుముందు దీపావళికి గోవాలో రచ్చ చేశారు. ఇప్పుడు మాల్దీవుల్లో చక్కర్లు కొడుతున్నారు. అయితే ఇది మాత్రం స్పెషల్ఈవెంట్ కోసం. నాగ చైతన్య బర్త్ డే (నవంబర్ 23)ను ఘనంగా సెలెబ్రేట్ చేసేందుకు సమంత మాల్దీవుల్లో ట్రిప్ వేసింది. మొత్తానికి ఈ జంట ఇప్పుడు అక్కడ రచ్చ రచ్చ చేస్తోంది. ప్రస్తుతం మన తారలందరూ అక్కడే సేద తీర్చుకుంటున్నారు.
అందులో చై సామ్‌లు కొత్తగా జాయిన్ అయ్యారు. ఆల్రెడీ రకుల్ తన ఫ్యామిలీతో అక్కడే రచ్చ చేస్తోంది. సోషల్ మీడియాలో చైతన్యకు విషెస్ వెల్లువెత్తుతున్నాయి. ఇటు అభిమానులు.. అటు సినీ సెలెబ్రిటీలు ట్వీట్ల మీద ట్వీట్లు చేస్తున్నారు. నాగ చైతన్య కూడా అందరికీ రిప్లైలు ఇస్తున్నాడు. అందులో రకుల్ చైతన్య మాటలు బాగానే వైరల్ అయ్యాయి. వారు తమ తమ వెకేషన్ గురించి ముచ్చట్లు పెట్టుకున్నారు.
తాజాగా సమంత తన ముద్దుల మొగుడికి విషెస్ చెబుతూ.. షాకింగ్ ఫోటోను షేర్ చేసింది. అందులో నాగ చైతన్య షర్ట్ లేకుండా కనిపించాడు. దూరం నుంచి సమంత ఈ ఫోటోను తీసినట్టు కనిపిస్తోంది. ఈ ఫోటోను షేర్ చేస్తూ సమంత తన భర్తకు విషెస్ చెప్పింది. ఎల్లప్పుడూ నీకు నచ్చినట్టుగానే నువ్ బతుకు.. నీ వెంటే ఎల్లప్పుడూ సంతోషం ఉండాలి అని కోరుకుంది. మొత్తానికి భర్త సంతోషాన్ని కోరుకుని తెలుగింటి కోడలని అనిపించుకుందని నెటిజన్లు కామెంట్లు పెడుతున్నారు.