అక్కినేని ఫ్యామిలీ హీరోలు నాగార్జున, నాగ చైత‌న్య, అఖిల్‌, సుమంత్, సుశాంత్ పేర్లు చెబితే అంద‌రు ఠ‌క్కున గుర్తు ప‌డ‌తారు. కాని య‌ష్ అక్కినేని అనే స‌రికి కాస్త ఆలోచిస్తున్నారు. ఈ పేరు ఎప్పుడు విన‌లేదు, స‌డెన్‌గా ఎక్క‌డ నుండి వ‌చ్చాడంటూ ఆలోచ‌న‌లు చేస్తున్నారు. మ‌రి సమంత ఇచ్చిన ట్విస్ట్‌కు ఆ మాత్రం ఆలోచించ‌క‌పోతే ఎలా? సమంత త‌న ఇన్‌స్టాగ్రామ్ ద్వారా బేబి బాయ్ రెండో సంవత్సరంలోకి అడుగుపెట్టాడు. వాడికి బ‌ర్త్‌డే శుభాకాంక్ష‌లు అని కామెంట్ పెట్టింది.
సమంత మాట్లాడింది త‌న పెంపుడు కుక్క య‌ష్ గురించి. ఈ రోజు రెండ‌వ పుట్టిన రోజు జ‌రుపుకుంటున్న సంద‌ర్భంగా య‌ష్ అంద‌మైన ఫొటో షేర్ చేస్తూ విషెస్ చెప్పింది. గ‌తంలోను య‌ష్‌కు సంబంధించి చాలా ఫొటోలు షేర్ చేసింది. దాంతో ఎల్ల‌ప్పుడు స‌ర‌దాగా గ‌డుపుతూ ఉంటుంది సామ్. ఈ రోజు య‌ష్ బ‌ర్త్‌డే కాగా, నిన్న సమంత భ‌ర్త నాగ చైత‌న్య పుట్టిన రోజు. ఈ సంద‌ర్భంగా క్యూట్ క‌పుల్ మాల్దీవుల‌కి చెక్కేశారు. అక్కడ తెగ ఎంజాయ్ చేస్తూ అడ‌పాద‌డ‌పా ఫొటోల‌ని షేర్ చేస్తూ వ‌స్తున్నారు.
భార్య భర్తలు మాల్దీవుల్లోని ఉత్తరాదిన ఉన్న ఓ ద్వీపంలో ఉన్నట్టు తెలుస్తోంది. సమంత అక్కడ స్కూబా డైవింగ్‌ కూడా చేశారు. దానికి సంబంధించిన ఓ ఫోటోను సమంత పోస్ట్ చేసింది. వ‌ర్క్ విష‌యానికి వ‌స్తే సామ్ ప్ర‌స్తుతం ఫ్యామిలీ మెన్ వెబ్ సిరీస్ తో పాటు సామ్ జామ్ అనే షోని హోస్ట్ చేస్తుంది. ఆ త‌ర్వాత నంద‌ని రెడ్డి ద‌ర్శ‌క‌త్వంలో ఓ సినిమా చేయ‌నుంది. ఈ సినిమాలో చైతూ కూడా న‌టించ‌నున్న‌ట్టు ప్ర‌చారం జ‌రుగుతుంది. ఇక నాగ చైత‌న్య.. శేఖ‌ర్ క‌మ్ముల ద‌ర్శ‌క‌త్వంలో ల‌వ్ స్టోరీ అనే సినిమా చేస్తుండ‌గా, ఈ సినిమా త్వ‌ర‌లోనే విడుద‌ల కానుంది. ప్ర‌స్తుతం థ్యాంక్యూ అనే చిత్రంతో బిజీగా ఉన్నారు.