సూపర్ స్టార్ మహేష్ బాబు ఫేస్ లో తెలియని మ్యాజిక్ ఉంటుంది, ఒకసారి చూసిన వారెవరైనా అతని అట్రాక్షన్ లో పడిపోవాల్సిందే. 49 ఏళ్ల వయసులో కూడా పాతికేళ్ల కుర్రాడిలా మెరిసిపోతాడు మహేష్ బాబు. కేవలం రీజనల్ సినిమాలతోనే పాన్ ఇండియా క్రేజ్ ని సొంతం చేసుకున్న నటుడు మహేష్ బాబు మాత్రమే అని చెప్పడంలో ఏమాత్రం అతిశయోక్తి లేదు. మొన్న అనంత్ అంబానీ పెళ్లిలో కూడా అంతే మహేష్ ని చూసిన బాలీవుడ్ షేక్ అయిపోయింది.
హాలీవుడ్ హీరోలా ఉన్నాడు అంటూ బాలీవుడ్ మీడియా మహేష్ ని ఆకాశానికి ఎత్తేసింది. ఇప్పుడు సల్మాన్ ఖాన్ వంతు వచ్చింది. అతను మహేష్ బాబు ని ఆకాశానికి ఎత్తేస్తూ చేసిన పొగడ్తలు ఇప్పుడు సోషల్ మీడియాలో తెగ వైరల్ అవుతున్నాయి. ఇంతకీ కండలు వీరుడు మహేష్ బాబు ని ఏ సందర్భంలో పొగిడాడో చూద్దాం. హిందీ బిగ్ బాస్ 18లో మాజీ బాలీవుడ్ నటి శిల్పా శిరోద్కర్ హౌస్ మేట్ గా ఉన్న సంగతి తెలిసిందే.
ఆమె మహేష్ బాబు భార్య నమ్రత కి సోదరి అని అందరికీ తెలిసిందే. ఆమెతో మాటల సందర్భంగా మహేష్ బాబు టాపిక్ రావటంతో సల్మాన్ ఖాన్ మహేష్ బాబు ని ఓ రేంజ్ లో పొగిడేసాడు. స్క్రీన్ పై మహేష్ బాబు వాకింగ్ స్టైల్ యాక్షన్ లుక్ విషయంలో స్టైలిష్ సిగ్నేచర్ ని కలిగి ఉంటాడు కానీ నిజ జీవితంలో మహేష్ ఒక సాధారణమైన మనిషి, నిజమైన ఫ్యామిలీ మెన్ అని చెప్పుకొచ్చాడు.
సల్మాన్ మహేష్ బాబు సింప్లిసిటీని ప్రశంసించడం మహేష్ అభిమానులకి హార్ట్ టచింగ్ మూవ్మెంట్ గా మారింది. ఒక స్టార్ హీరోగా మహేష్ ని, నిజ జీవితంలో మహేష్ ని పోల్చి సల్మాన్ వివరించిన తీరు ఫ్యాన్స్ కి గూస్ బంప్స్ తెప్పిస్తోంది. ఇక సల్మాన్ మహేష్ ఇద్దరి మధ్య ఉన్న రిలేషన్ గురించి మాట్లాడాలంటే మహేష్ బాబు పోకిరి మూవీ ని వాంటెడ్ పేరుతో హిందీలో రీమేక్ చేసిన సంగతి తెలిసిందే. అందులో హీరోగా నటించిన సల్మాన్ ఖాన్ మంచి బ్లాక్ బస్టర్ హిట్ అందుకున్నాడు అప్పటినుంచి వీరిద్దరికీ మంచి రిలేషన్ ఏర్పడింది.