మెగా హీరోలందరిలో వరుణ్ తేజ్, సాయి ధరమ్ తేజ్ సంబంధం ప్రత్యేకమైంది. ఎంతో సన్నిహితంగా ఉంటారు వీరిద్దరు. ఒకరిపై ఒకరు సెటైర్స్ వేసుకుంటారు. ఇక సోషల్ మీడియాలో వచ్చే ట్రోలింగ్స్‌, రూమర్స్, గాసిప్స్‌పై ఇద్దరూ కలిసి కౌంటర్స్ వేస్తుంటారు. ఆ మధ్య పెళ్లిళ్లపై వచ్చిన రూమర్లపై ఓ రేంజ్‌లో సెటైర్ వేశారు. తాజాగా వీరిద్దరు ఒకరిపై ఒకరు సెటైర్లు వేసుకున్నారు. పాత ఫోటోలను షేర్ చేస్తూ ఒకరిపై మరొకరు కౌంటర్లు వేసుకుంటున్నారు.
ఇండస్ట్రీకి రాకముందు అల్లు శిరీష్, వరుణ్, సాయి ధరమ్ తేజ్ ఎలా ఉండేవారో అందరికీ తెలిసిందే. మరీ ముఖ్యంగా వరుణ్ తేజ్ మాత్రం భారీ కాయాన్ని వేసుకుని దిట్టంగా లావుగా ఉండేవాడని ఎన్నో ఇంటర్వ్యూల్లో చెప్పుకొచ్చాడు. అయితే తాజాగా వరుణ్ తేజ్ ఓ ఫోటోను షేర్ చేసి సాయి ధరమ్ తేజ్‌ను ఆటపట్టించాడు. చిన్నప్పటి ఫోటోను షేర్ చేస్తూ.. నీ హెయిర్ స్టైల్ బాగుంది అంటూ సుప్రీం హీరోకు వరుణ్ కౌంటర్ వేశాడు.
ఇక వరుణ్ తేజ్ వేసిన కౌంటర్‌కు దిమ్మ తిరిగే రివర్స్ కౌంటర్ ఇవ్వాలని సాయి ధరమ్ తేజ్ ఇళ్లంతా వెతికినట్టున్నాడు. ఆల్బమ్‌లు అన్ని గాలించి వరుణ్ తేజ్ పాత ఫోటో ఒకటి షేర్ చేశాడు. నీ గడ్డం భలే ఉంది అంటూ వరుణ్ తేజ్‌ను ఆటపట్టించాడు. ఇలా మొత్తానికి మెగా హీరోలు ఇండస్ట్రీకి రాకముందు ఎలా ఉండేవారు చెబుతూ సోషల్ మీడియాలో నానా రచ్చ చేస్తున్నారు. ఇక ఈ పాత ఫోటోలతో మెగా హీరోల పరువుపోయినట్టు అవుతోంది.