ఛలో బ్యూటీ రష్మిక మందాన్న సోషల్ మీడియాలో చేసే రచ్చ అందరికీ తెలిసిందే. తెరపై ఎంత సందడిగా ఉంటుందో.. అంతకు వంద రెట్ల ఫన్‌ను సోషల్ మీడియాలో క్రియేట్ చేస్తుంది. అందుకే ఈ అమ్మడికి సోషల్ మీడియాలో అంతటి ఫాలోయింగ్. సినిమాలు హిట్ అవుతూ ఉండటం, స్టార్ హీరోయిన్‌గా తిరుగులేని స్టార్డం రావడంతో రష్మిక పాపులార్టీ రోజరోజుకీ పెరుగుతోంది. తాజాగా రష్మిక ఓ వీడియోను షేర్ చేసి రచ్చ రచ్చ చేస్తోంది.
సరిలేరు నీకెవ్వరు, భీష్మ వంటి చిత్రాలతో బ్లాక్ బస్టర్ హిట్లను కొట్టేసిన రష్మిక స్టార్ హీరోలకు పర్ఫెక్ట్ ఛాయిస్‌గా నిలుస్తోంది. ఈ క్రమంలోనే అల్లు అర్జున్ ప్యాన్ ఇండియన్ మూవీ పుష్పలో ఛాన్స్ కొట్టేసింది. అయితే రష్మిక ఈ మధ్య విపరీతమైన వర్కౌట్లు చేస్తోంది. అది కూడా తమ్ముడు సినిమాలో పవన్ కళ్యాణ్ మాదిరి. బీచ్‌లో చెమటోడ్చుతున్న రష్మిక తన అనుభవాలను చెబుతూ ఓ వీడియోను షేర్ చేసింది.
బీచ్‌లో ఇదే నా ఫస్ట్ వర్కౌట్. మామూలుగా అయితే బీచ్‌లో ఇలా చేయడం ఇదే మొదటిసారి.. అమ్మో అక్కడ వర్కౌట్లు అంటే మొత్తం ఆవిరైపోయినట్టు అనిపించింది.. ఆ అలలు, సముద్రపు వాసన.. దేవుడా.. ఇవన్నీ అనుభవించాక వాటికి నేను బానిసనైపోయాను.. సూర్యాస్థమయం, నా పాదాలకంటున్న ఇసుక అవన్నీ ఎంతో అద్భుతంగా ఉన్నాయి అంటూ తెగ సంబరపడిపోయింది. ఈ వర్కౌట్లన్నీ పుష్ప సినిమా కోసమో ఏమో మరి.