దర్శక ధీరుడు ఎస్ ఎస్ రాజమౌళి, సూపర్ స్టార్ మహేష్ బాబు కాంబినేషన్ లో ఒక భారీ బడ్జెట్ సినిమా ఉండబోతుందని ఇద్దరు కన్‌ఫర్మ్ చేసిన సంగతి తెలిసిందే. ప్రస్తుతం రాజమౌళి.. ఎన్.టి.ఆర్, రాం చరణ్ లతో ఆర్ ఆర్ ఆర్ తెరకెక్కిస్తున్న సంగతి తెలిసిందే. ఈ సినిమా 2021 సమ్మర్ కానుకగా రిలీజ్ చేయాలని సన్నాహాలు చేస్తున్నాడు రాజమౌళి.
ఈ సినిమా రిలీజయ్యాకే మహేష్ ప్రాజెక్ట్ కి సంబంధించిన ప్రీ ప్రొడక్షన్ కార్యక్రమాలు మొదలు పెట్టబోతున్నాడు జక్కన్న. కాగా ఈ సినిమాని ప్రముఖ నిర్మాణ సంస్థ శ్రీదుర్గ ఆర్ట్స్ బ్యానర్ పై డా.కె.ఎల్.నారాయణ భారీ బడ్జెట్ తో నిర్మించనున్నారు. ఇప్పటికే రాజమౌళి, మహేష్ బాబు డేట్స్ లాక్ చేసి పెట్టుకున్నాడు నిర్మాత.
ప్రముఖ కథా రచయిత విజయేంద్ర ప్రసాద్ రాజమౌళి, మహేష్ కాంబినేషన్ లో తెరకెక్కబోయే సినిమాకోసం కథ సిద్దం చేస్తున్నట్టు తెలుస్తుంది. ఆర్ ఆర్ ఆర్ కి వచ్చిన గ్యాప్ లో రాజమౌళి ఈ కథ వింటూ ఆయనకి నట్టు మలచమని చెబుతున్నారట. అంతేకాదు పూర్తి స్థాయిలో కథ సిద్దమయ్యాక మహేష్ బాబు కి కథ వినిపిస్తారని తెలుస్తుంది. ఇక ఈ సినిమా 2021 చివరిలో అఫీషియల్ అనౌన్స్ మెంట్ వచ్చి 2022 లో ప్రారంభమవుతుందని సమాచారం.
అయితే ఇప్పటి వరకు మహేష్ బాబు ఒక పీరియాడికల్ డ్రామాలో నటించలేదు. మహేష్ కే కాదు, మహేష్ తండ్రి సూపర్ స్టార్ కృష్ణ కి ఘట్టమనేని అభిమానులకి ఉన్న పెద్ద వెలితి కూడా అదే. మొదటి సినిమా రాజకుమారుడు నుంచి గత చిత్రం సరిలేరు నీకెవ్వరు వరకు అన్ని రకాల పాత్రలు పోషిస్తూ వస్తున్నారు. ఒకవైపు కమర్షియల్ సినిమాలు చేస్తూనే మరోవైపు నాని లాంటి ప్రయోగాత్మక సినిమాలు చేస్తున్నాడు. అయితే ఇప్పటికే టాలీవుడ్ లో దాదాపు స్టార్ హీరోలందరు ఐకానిక్ రోల్స్ ..పీరియాడికల్ సినిమాలు చేస్తున్నారు.
ఈ క్రమంలోనే మహేష్ నుంచి అభిమానులు ఇలాంటి ఒక ఐకానిక్ రోల్ వస్తే బావుంటుందని కోరుకుంటున్న కారణంగా… మహేష్ కోసం అలాంటి కథ నే రాజమౌళి తయారు చేయిస్తున్నట్టు విశ్వసనీయ వర్గాల ద్వారా అందుతున్న సమాచారం. ఇదే జరిగితే అప్పుడు అందరు బాహుబలి, ఆర్ ఆర్ ఆర్ గురించి కాదు మహేష్ – రాజమౌళి సినిమా గురించే మాట్లాడుకుంటారు.