ప్రస్తుతం ఎక్కడ చూసినా పుష్ప 2 హవా నడుస్తోంది. ఇటు ఇండస్ట్రీలోని అటు సోషల్ మీడియా లో కూడా పుష్పరాజ్ పేరే వినిపిస్తోంది. ఇండియా మోస్ట్ అవైటెడ్ మూవీ పుష్ప 2 సినిమాలో అల్లు అర్జున్ హీరోగా నేషనల్ క్రష్ రష్మిక మందన్న హీరోయిన్గా నటించగా మాలీవుడ్ స్టార్ ఫాహద్ ఫాజిల్ విలన్ పాత్రలో నటించారు.అయితే మ్యూజిక్ డైరెక్టర్ విషయానికి వచ్చేసరికి ముందు దేవి శ్రీ ప్రసాద్ ఈ సినిమాకి మ్యూజిక్ డైరెక్షన్ చేశారు.
కానీ బ్యాక్ గ్రౌండ్ స్కోర్ ని ఎస్ తమన్ భర్తీ చేసినట్లు తెలుస్తోంది. వీరితోపాటు మరికొందరు మ్యూజిక్ డైరెక్టర్ ఈ సినిమా కోసం పని చేశారంట. దాంతో ఈ సినిమాలో దేవి శ్రీ ప్రసాద్ పాత్ర ఏమిటి, కావాలనే అతన్ని పక్కన పెట్టారా అనే కన్ఫ్యూజన్ అందరికీ వస్తుంది. నిజానికి సినిమా రిలీజ్ కి ముందు మ్యూజిక్ డైరెక్టర్ ఆ సినిమాని ప్రమోట్ చేస్తూ ఉంటారు అయితే ఇప్పటివరకు దేవి శ్రీ ప్రసాద్ ఈ సినిమా గురించి ఎలాంటి ప్రమోషన్స్ ఇవ్వకపోవడం విశేషం.
తమిళ హీరో సూర్య నటించిన కంగువా సినిమాకి కూడా మ్యూజిక్ అందించిన డిస్పీ ఆ సినిమా రిసల్ట్ విషయంలో కొంచెం డిసప్పాయింట్ అయ్యాడు అన్నది వాస్తవం. అదే సమయంలో పుష్ప 2 సినిమాకి దేవిశ్రీ ప్రసాద్ తో పాటు పలువు మ్యూజిక్ డైరెక్టర్లు వర్క్ చేయడంతో సినిమా విషయంలో అతని పాత్ర తగ్గిందా అనే అనుమానాలు వ్యక్తమవుతున్నాయి.
అయితే దేవిశ్రీప్రసాద్ మాట్లాడుతూ ఈ చిత్రానికి సంబంధించిన ప్రతి ఫ్రేమ్ కి తానే బీజిఎం ఇచ్చానని చెప్పుకోవలసిన పరిస్థితి వచ్చింది. ఇదే విషయం గా తమన్ కూడా మాట్లాడుతూ దాదాపు ఫస్ట్ ఆఫ్ కంప్లీట్ చేసి ఇచ్చినట్లు తన వర్క్ పట్ల డైరెక్టర్, హీరో సంతృప్తి చెందినట్లు చెప్పుకొచ్చాడు. పుష్ప 1 సినిమాకి మ్యూజిక్ ఎంత పెద్ద హిట్ అయిందో అందరికీ తెలిసిందే. ఆ క్రెడిట్ మొత్తం దేవి శ్రీ ప్రసాద్ కే దక్కింది. మరి పుష్ప 2 క్రెడిట్స్ ఎవరికి దక్కుతాయో వేచి చూడాల్సిందే. ఈ వార్తల పై డిఎస్పీ ఎలా స్పందిస్తాడో కూడా చూడాలి.