టాలీవుడ్ హీరోయిన్ ఆర్ ఎక్స్ 100 బ్యూటీ పాయల్ రాజ్ పుత్ తాజాగా తిరుమల శ్రీవారిని దర్శించుకుంది. ప్రస్తుతం దానికి సంబంధించిన వీడియో నెట్టింట్లో తెగ వైరల్ గా మారింది. అందులో రాజ్ పుత్ సాంప్రదాయకరమైన లంగాఓణీలో కనిపించింది. ఇక ఆమె దేవుడి దర్శనం తర్వాత బయటకు వస్తున్న క్రమంలో అక్కడున్న జనాలు ఆమెతో సెల్ఫీలు తీసుకునేందుకు తెగ ప్రయత్నించారు.
ఆ సమయంలో అక్కడ రిపోర్టర్లు కూడా ఉండటంతో కాసేపు మీడియా సమక్షంలో కొన్ని విషయాలు పంచుకుంది. శ్రీవారిని దర్శించుకున్న తర్వాత ఆనందంగా, ప్రశాంతంగా ఉందని తెలిపింది. తిరుమల చాలా అందంగా ఉందని.. అక్కడ ఓ సినిమా షూటింగ్ జరగాల్సి ఉందని తెలిపింది. ఇక ప్రస్తుతం ఆమె పలు సినిమాలలో బిజీగా ఉంది.
