ఆ రోజే ప్రముఖ ఓటీటీ ప్లాట్ ఫామ్ లో క మూవీ రిలీజ్.. కేవలం తెలుగులో మాత్రమే!

దీపావళి కానుకగా క అనే డిఫరెంట్ టైటిల్ తో థియేటర్లలోకి వచ్చి మంచి రీసౌండ్ ఇచ్చాడు హీరో కిరణ్ అబ్బవరం. చిన్న సినిమాగా విడుదలైన ఈ సినిమా ఎంత పెద్ద ప్రభంజనం సృష్టించిందో అందరికీ తెలిసిందే. ప్రీ రిలీజ్ వేడుకలోనే హీరో కిరణ్ అబ్బవరం సినిమాపై చేసిన వ్యాఖ్యలు అందరి దృష్టిని ఆకర్షించాయి. సినిమా విడుదల తర్వాత అందులో ఉన్న కంటెంట్ ప్రేక్షకులను మరింత కట్టిపడేసింది. ప్రేక్షకులు బ్రహ్మరథం పట్టిన ఈ సినిమా కలెక్షన్ల సునామీ సృష్టించింది.

కిరణ్ అబ్బవరం కెరియర్ లోనే బిగ్గెస్ట్ కమర్షియల్ హిట్ అయిన ఈ సినిమా 50 కోట్లకు పైగా కలెక్షన్స్ ని కాబట్టి నీ సంగతి అందరికీ తెలిసిందే. ఈ సినిమా కంటెంట్ నచ్చిన మలయాళీ సూపర్ స్టార్ దుల్కర్ సల్మాన్ తానే ఈ సినిమాని మలయాళం లో విడుదల చేసేందుకు ముందుకు వచ్చాడు. మలయాళంలో క సినిమా థియేటర్లలో నవంబర్ 22న విడుదలైంది. ఇక ఇప్పుడు నిర్మాతకి కాసుల వర్షం కురిపించిన ఈ సూపర్ సక్సెస్ మూవీ ఓటీటీ లో విడుదలకు సిద్ధంగా ఉంది.

ఈ సినిమా ఓటీటీ స్ట్రీమింగ్ గురించి రెండు మూడు రోజులుగా వార్తలు వైరల్ అవుతున్నాయి, కిరణ్ అబ్బవరం కూడా ఈ సినిమా ఓటీటీలోకి వచ్చే సమయం ఆసన్నమవుతున్నట్లుగా హింట్ ఇచ్చాడు. ఇప్పుడు ఆ మాటలని నిజం చేస్తూ సినిమా ఎప్పుడు ఏ ప్లాట్ ఫామ్ లో స్ట్రీమింగ్ అవుతుందో అధికారికంగా ప్రకటించారు మూవీ టీం. క సినిమా ప్రముఖ తెలుగు ఓటీటీ సంస్థ అయిన ఈటీవీ విన్ లో నవంబర్ 28 నుంచి స్ట్రీమింగ్ కాబోతుంది.

ఈ సినిమాని డాల్బీ విజన్ అట్మాస్లో ఆస్వాదించేలా ఏర్పాటులో చేస్తున్నట్లు ఈటీవీ విన్ సంస్థ ప్రకటించింది. క మూవీ ఓటీటీ లో కేవలం తెలుగులో మాత్రమే స్ట్రీమింగ్ కానుంది. ఎందుకంటే ముందుగా ఈ సినిమాని పాన్ ఇండియా మూవీగా అన్ని భాషల్లో రిలీజ్ చేయాలనుకున్నారు కానీ కొన్ని అనివార్య కారణాలవల్ల కుదరలేదు. ఈ మూవీ డబ్బింగ్ వర్షన్లు ఇతర భాషలలో ధియేట్రికల్ గా రిలీజ్ అయ్యేదాకా ఓటీటీ లోకి రాకపోవచ్చు అని సినీ వర్గాల సమాచారం.