టాలీవుడ్ ఇండస్ట్రీలో హీరోగా గుర్తింపు పొందిన నందమూరి జూనియర్ ఎన్టీఆర్ గురించి ప్రత్యేకంగా పరిచయం చేయాల్సిన అవసరం లేదు. నందమూరి తారక రామారావు మనవడిగా ఇండస్ట్రీలో అడుగుపెట్టిన ఎన్టీఆర్ ఎన్నో సూపర్ హిట్ సినిమాలలో నటించి స్టార్ హీరోగా గుర్తింపు పొందాడు. ఇక ఇటీవల విడుదలైన ఆర్ఆర్ఆర్ సినిమాలో ఎన్టీఆర్ నటనకు ప్రపంచం వ్యాప్తంగా ఎంతోమంది ప్రేక్షకులు ఎన్టీఆర్ కి అభిమానులుగా మారారు. ఇక ఇటీవల కర్ణాటక ప్రభుత్వం నుండి ప్రత్యేక ఆహ్వానం కూడా అందుకున్నాడు
నవంబరు ఒకటవ తేదీన కర్ణాటక అసెంబ్లీ లో జరిగిన కన్నడ రాజ్యోత్సవ వేడుకల్లో ఎన్టీఆర్ పాల్గొన్నాడు. ఇక ఈ కార్యక్రమంలో ఎన్టీఆర్ తో పాటు తమిళ సూపర్ స్టార్ రజనీకాంత్ తో పాటు మరికొందరు ప్రముఖులు అతిథులుగా పాల్గొన్నారు. అయితే ఈ వేడుకలకు హాజరైన ఎన్టీఆర్ అక్కడ చేసిన పని చూసి అందరూ ఒక్కసారిగా షాక్ అయ్యారు. అయితే ఎన్టీఆర్ అభిమానులు మాత్రం “అది మా హీరో అంటే” అంటూ.. కాలర్ ఎగరెస్తున్నారు. అసలు విషయం ఏమిటంటే.. రాజయోత్సవ వేడుకల్లో పాల్గొన్న ఎన్టీఆర్ ని స్టేజి మీద ఉన్న కుర్చీలో కూర్చోమని నిర్వాహకులు చెప్పగా ఎన్టీఆర్ మాత్రం.. పునీత్ భార్యతో పాటు సుధా మూర్తిని కూడా కుర్చీ తుడిచి మరి ఇద్దరిని అక్కడ కూర్చోబెట్టాడు.
ఇలా ఎన్టీఆర్ చేసిన పనికి అక్కడున్న వారందరూ ఒక్కసారిగా షాక్ అయ్యారు. ఎన్టీఆర్ స్టార్ హీరోగా ఎంత ఎత్తు ఎదిగినా కూడా మహిళల పట్ల అతనికి ఉన్న గౌరవానికి ఇదే నిదర్శన అంటూ..ఎన్టీఆర్ అభిమానులు ఆనందం వ్యక్తం చేస్తున్నారు. ఇక ఇటీవల జరిగిన కర్ణాటక రాజోత్సవ వేడుకల్లో దివంగత నటుడు పునీత్ రాజ్ కుమార్ కి “కర్ణాటక రత్న” అనే విశిష్ట పురస్కారాన్ని కర్ణాటక ప్రభుత్వం అందజేసింది. ఇక ఈ విశిష్టమైన అవార్డు అందుకున్న 9వ వ్యక్తిగా పునీత్ రాజ్ కుమార్ నిలవనన్నాడు. ఇదిలా ఉండగా పునీత్ రాజ్ కుమార్ జూనియర్ ఎన్టీఆర్ మధ్య ఉన్న స్నేహబంధం గురించి కూడా అందరికీ తెలిసిందే.