విడుదలైన 20 రోజులకే ఓటీటీ లోకి వచ్చేసిన నిఖిల్ సినిమా.. ఇంట్రెస్ట్ ఉంటే ఓ లుక్కెయ్యండి!

ఈ మధ్యకాలంలో కొన్ని కొత్త సినిమాలు ఎలాంటి అనౌన్స్మెంట్లు లేకుండా సైలెంట్ గా ఓటీటీల్లోకి వచ్చేస్తున్నాయి. ఇప్పుడు మరో కొత్త సినిమా సైలెంట్ గా ఓటీటీలోకి వచ్చేసింది. టాలీవుడ్ యంగ్ హీరో నిఖిల్ నటించిన తాజా చిత్రం అప్పుడో ఎప్పుడో ఎప్పుడో. ఓటీటీ లో ప్రస్తుతం స్ట్రీమింగ్ అవుతుంది. ప్రముఖ ఓటీటీ ప్లాట్ఫారం అయిన అమెజాన్ ప్రైమ్ లో ఈ సినిమా అందుబాటులో ఉంది.

ఈ విషయాన్ని స్వయంగా అమెజాన్ సంస్థ సోషల్ మీడియాలో తెలియజేసింది. రిషి, తారల ప్రేమ కథను చూసేయండి అంటూ పోస్ట్ పెట్టింది. టాలీవుడ్ యంగ్ హీరో నిఖిల్ సిద్ధార్థ్ హీరోగా నటించిన ఈ సినిమాలో సప్త సాగరాలు దాటి సినిమాతో మంచి పేరు సంపాదించుకున్న కన్నడ నటి రుక్మిణి వసంత హీరోయిన్ గా నటించింది. ఈ సినిమా నవంబర్ 8న ప్రేక్షకుల ముందుకు వచ్చిన ఈ సినిమా అప్పుడే ఓటీటీ లోకి వచ్చేసింది. కరోనాకాలంలో పట్టాలెక్కిన ఈ సినిమా ఎన్నో అవాంతరాలు దాటి నవంబర్ 8న ప్రేక్షకుల ముందుకు వచ్చింది.

అయితే ఆడియన్స్ ఈ సినిమాని ఏమాత్రం పట్టించుకున్నట్లు లేదు, ప్రమోషన్స్ కూడా పెద్దగా నిర్వహించకపోవడంతో థియేటర్స్ లోకి ఎప్పుడు వచ్చిందో ఎప్పుడు వెళ్లిందో కూడా ప్రేక్షకులకి తెలియకుండా పోయింది. నిఖిల్ ఖాతాలో మరొక ఫ్లాప్ సినిమా చేరినట్లు అయింది. చత్రపతి, డార్లింగ్, అత్తారింటికి దారేది లాంటి బ్లాక్ బస్టర్ సినిమాలను నిర్మించిన శ్రీ వెంకటేశ్వర సినీ చిత్ర ప్రొడక్షన్స్ పై బి వి ఎస్ ఎన్ ప్రసాద్ ఈ సినిమాని నిర్మించారు.

నిఖిల్,రుక్మిణి లతోపాటు మజిలీ ఫేమ్ దివ్యాన్ష కౌశిక్ కూడా ఈ సినిమాలో లీడ్ రోల్ పోషించింది. వైవా హర్ష, అజయ్, సత్య తదితరులు ప్రధాన పాత్రలు పోషించారు. శ్రీకాంత్ ఈ సినిమాకి కథ అందించారు, కార్తీక్ సంగీతం అందించగా ఎం ఆర్ సన్నీ నేపద్య సంగీతం సమకూర్చారు. ప్రస్తుతం అమెజాన్ ప్రైమ్ లో స్ట్రీమింగ్ అవుతున్న ఈ సినిమాని ఇంట్రెస్ట్ ఉన్న వాళ్ళు ఎవరైనా ఈ సినిమాని చూసేయొచ్చు.