అలనాటి స్టార్ హీరో మోహన్ బాబు వారసుడిగా ఇండస్ట్రీలో అడుగుపెట్టిన మంచు విష్ణు హీరోగా మారి విష్ణు సినిమా ద్వారా మొదటిసారిగా ప్రేక్షకుల ముందుకి వచ్చాడు. ఆ తర్వాత సూర్యం, అస్త్రం, ఢీ ఎన్నో సూపర్ హిట్ సినిమాలలో నటించి హీరోగా మంచి గుర్తింపు పొందాడు. అయితే గత కొంతకాలంగా విష్ణు నటించిన సినిమాలు హిట్ కాకపోవటంతో కొంతకాలం సినిమాలకు గ్యాప్ ఇచ్చాడు. ఇక తాజాగా జిన్నా సినిమా ద్వారా ప్రేక్షకుల ముందుకు రానున్నాడు.
ఈశాన్ సూర్యా దర్శకత్వంలో తెరకెక్కిన ఈ సినిమాలో సన్నీ లియోన్, పాయాల్ రాజ్ పుత్ విష్ణు కి జోడిగా నటించారు. ఈ సినిమా అక్టోబర్ 21వ తేదీ అనగా ఈ రోజు ప్రేక్షకుల ముందుకి రానుంది. అయితే మా ప్రెసిడెంట్ ఎన్నికల వల్ల విష్ణు నెగిటివిటీ మూట కట్టుకున్నాడు. అందువల్ల ప్రతివిషయంలో అతనిని విమర్శిస్తూ ఉంటారు. ఈ క్రమంలో జిన్నా సినిమా విడుదల కాకుండానే సినిమా గురించి నెగటివ్ కామెంట్లు సోషల్ మీడియాలో వైరల్ అవుతున్నాయి.
ఈ వార్తలపై స్పందించిన విష్ణు ట్వీట్ చేస్తూ…
” ఊహించిందే జరిగింది.. జిన్నా సినిమా విడుదల కాకముందే సినిమా గురించి నెగటివ్ రివ్యూలు ఇస్తున్న ఈ పైడ్ బ్యాచ్ ని మీ ముందుకు తీసుకు వచ్చాను. అయిన నాపై ఎందుకంత ద్వేషం అంటూ ప్రశ్నించాడు. ఈ చర్యకు పాల్పడిన చానల్స్ ని తొందర్లోనే మూసివేయిస్తామని వారు గ్రహించాలి అంటూ ట్వీట్ చేసి. జిన్నా సినిమా గురించి నెగటివ్ కామెంట్స్ స్ప్రెడ్ చేస్తున్న ఛానెల్స్ వివరాలు కూడా ట్వీట్ లో జత చేశాడు. ప్రస్తుతం మంచు విష్ణు చేసిన ఈ ట్వీట్ నెట్టింట వైరల్ అవుతోంది.