హీరో నాని, దర్శకుడు వివేక్‌ ఆత్రేయ రెండో సారి కలసి పని చేస్తున్న ‘సరిపోదా శనివారం’ చిత్రం తాజా షెడ్యూల్‌ మొదలైంది. ఈ చిత్రంలో నాని పూర్తి స్థాయి యాక్షన్‌ పాత్ర పోషిస్తున్నారు. డీవీవీ దానయ్య, కల్యాణ్‌ దాసరి భారీ బ్జడెట్‌తో ఈ చిత్రాన్ని నిర్మిస్తున్నారు.
’గత నెలలో ఒక షెడ్యూల్‌ పూర్తి చేశాం. బుధవారం నుంచి కొత్త షెడ్యూల్‌ ప్రారంభించాం. లెంగ్తీ షెడ్యూల్‌ ఇది. యాక్షన్‌ ఎపిసోడ్స్‌తో పాటు ప్రధాన తారాగణం పాల్గొనగా కొంత టాకీ పార్ట్‌ కూడా చిత్రీకరిస్తాం.
ఈ సినిమాలో నాని రగ్గడ్‌ లుక్‌లో కనిపించి, అందరినీ అలరిస్తారు’ అని నిర్మాతలు చెప్పారు. ప్రియాంక అరుళ్‌ మోహన్‌ కథానాయికగా నటిస్తున్న ఈ చిత్రంలో ఎస్‌.జె.సూర్య కీలక పాత్ర పోషిస్తున్నారు.
జేక్స్‌ బిజోయ్‌ సంగీతాన్ని సమకూరుస్తుండగా, మురళీ జి సినిమాటోగ్రాఫర్‌గా పని చేస్తున్నారు. తెలుగు, తమిళ, కన్నడ, మలయాళ, హిందీ భాషల్లో ఈ చిత్రాన్ని విడుదల చేస్తామని నిర్మాతలు చెప్పారు.