‘దసరా’ సినిమాకి అనుకున్న బడ్జెట్ కన్నా చాలా ఎక్కువే అయిపోయిందట. షూటింగ్ కూడా అనుకున్న టైమ్‌కి పూర్తి కాలేదట. ఒకవేళ అన్నీ అనుకున్నట్లే అయ్యుంటే, ‘దసరా’ సినిమాకి ఇంకా మంచి సక్సెస్ అయ్యేదని చెబుతున్నాడు నేచురల్ స్టార్ నాని.
ఊహించనదానికన్నా ఎక్కువే సక్సెస్ అయ్యింది నిజానికి ‘దసరా’. ఈ సినిమాతో నిర్మాతలు చాలా చాలా హ్యాపీ. అయితే, బడ్జెట్ ఇంకాస్త తగ్గి వుంటే, మరింత లాభపడేవారనేది నాని అభిప్రాయం.
అదే ఫార్ములా తన తదుపరి సినిమాలకు వాడబోతున్నాడట. తక్కువ బడ్జెట్‌లోనే బెస్ట్ అవుట్ పుట్ వచ్చేలా సినిమాల్ని పూర్తి చేసేయాలని నిర్ణయించుకున్నాడట.
నిజంగానే నాని ఈ నిర్ణయం నిర్మాతల పాలిట ఓ వరంగానే చెప్పొచ్చు. అంతేకాదు, సినిమా షూటింగ్ కూడా వీలైనంత తక్కువ టైమ్‌లోనే పూర్తి చేయాలని తన యూనిట్‌కి సూచిస్తున్నాడట.
తాజా చిత్రం నాని 30 కోసం ఈ రూల్స్ అన్నీ పక్కాగా ఫాలో చేస్తున్నాడట నేచురల్ స్టార్ నాని. నాని ఈ నిర్ణయాన్ని ప్రశంసించకుండా వుండలేకపోతున్నారు సినీ జనాలు.