ప్రస్తుతం టాలీవుడ్‌లో మోస్ట్‌ సక్సెస్‌ఫుల్‌ హీరో ఎవరంటే ఫస్ట్‌ గుర్తొచ్చే పేరు నేచురల్‌ స్టార్‌ నాని. గతేడాది ‘దసరా’ సినిమాతో బ్లాక్‌ బస్టర్‌ అందుకున్న నాని.. ఇటీవలే ‘హాయ్‌ నాన్న’ లాంటి ఫ్యామిలీ ఎంటర్‌టైనర్‌తో మరో హిట్‌ అందుకున్నాడు. ఇక ఈ సినిమా అనంతరం నాని వివేక్‌ ఆత్రేయతో ‘సరిపోదా శనివారం’ అనే సినిమా చేస్తున్న సంగతి తెలిసిందే. ఈ సినిమా ప్రస్తుతం షూటింగ్‌లో ఉండగానే నాని మరో స్టార్‌ దర్శకుడితో సినిమా ప్లాన్‌ చేసినట్లు ప్రకటించిన విషయం తెలిసిందే.
ఓజీ దర్శకుడు సుజీత్‌తో తన తదుపరి సినిమాను చేయనున్నాడు నాని. ఈ మూవీని డీవీవీ ఎంటర్‌టైన్‌మెంట్స్‌ బ్యానర్‌పై నిర్మిస్తున్నారు. ఇప్పటికే ఈ మూవీ నుంచి అనౌన్స్‌మెంట్‌ వీడియో విడుదల చేయగా.. మంచి రెస్పాన్స్‌ దక్కించుకుంది. ఇదిలావుంటే తాజాగా ఈ ప్రాజెక్ట్‌కు సంబంధించి ఒక సాలిడ్‌ న్యూస్‌ వైరల్‌ అవుతుంది. ఈ సినిమాలో నాని సరసన టాలీవుడ్‌ లేటెస్ట్‌ సెన్సేషన్‌ భాగ్యశ్రీ భొర్సే నటించబోతున్నట్లు తెలుస్తుంది. ఈ విషయంపై భాగ్యశ్రీ భొర్సేతో సంప్రదింపులు జరపగా.. ఆమె గ్రీన్‌ సిగ్నల్‌ ఇచ్చినట్లు సమాచారం.
భాగ్యశ్రీ భొర్సే ప్రస్తుతం రవితేజ హీరోగా వస్తున్న ‘మిస్టర్‌ బచ్చన్‌’ సినిమాలో హీరోయిన్‌గా నటిస్తుంది. ఈ సినిమాకు హరీశ్‌ శంకర్‌ దర్శకత్వం వహిస్తున్నాడు. మరోవైపు విజయ దేవరకొండ ‘జెర్సీ’ ఫేమ్‌ గౌతమ్‌ తిన్ననూరి కాంబోలో వస్తున్న మూవీలో కూడా భాగ్యశ్రీ భొర్సే ఎంపికయినట్లు సమాచారం. కాగా ఈ రెండు ప్రాజెక్ట్‌లపై అధికారిక ప్రకటన రావాల్సి ఉంది.