ఒక్కోసారి మనం తీసుకునే నిర్ణయాలు సరిగ్గా ఉండకపోవచ్చు. మనకు నచ్చకపోయినా ఎదుటి వారి కోసం చేయాల్సి వస్తుంది. అలాంటి కొన్ని సందర్భాల్లో అలా చేసిన పనులు మనకు కలిసిరావొచ్చు. న్యాచురల్ స్టార్ నాని విషయంలో అలాంటి సందర్భం ఒకటి జరిగింది. ఓ సినిమా చేయనని నిర్మాతకు చెబితే.. పట్టుబట్టి మరీ చేయించాడట. చివరకు అదే అతనికి కలిసి వచ్చిందట. ఈ విషయాన్ని నాని తాజాగా బయట పెట్టేశాడు. తాజాగా నాని చేసిన ఈ కామెంట్స్ తెగ వైరల్ అవుతున్నాయి.
తాజాగా నాని అల్లుడు అదుర్స్ సినిమా ట్రైలర్ ఈవెంట్‌లో పాల్గొన్నాడు. నిన్న ఈ మూవీ ట్రైలర్‌ను ప్రసాద్ ల్యాబ్‌లో రిలీజ్ చేశారు. ఈ ఈవెంట్‌కు వివి వినాయక్, నాని ముఖ్య అతిథులుగా విచ్చేశారు. బెల్లంకొండ సురేష్ ఈ ఇద్దరిని పట్టుబట్టి మరీ పిలిచాడట. తాను షూటింగ్‌లతో బిజీగా ఉన్నా కూడా రావాలని బెల్లంకొండ సురేష్ కోరాడని నాని చెప్పుకొచ్చాడు. అలా షూటింగ్ గ్యాప్‌లో ఇక్కడకు వచ్చానని నాని కంగారు కంగారుగా మాట్లాడేశాడు.
ఓ రెండు నిమిషాలు మాట్లాడిన నాని తన గతంలో జరిగిన సంఘటన గురించి చెప్పాడు. రైడ్ సినిమాను చేయాలన్న ఉద్దేశ్యం తనకు లేదని, కానీ బెల్లంకొండ సురేష్ పట్టుబట్టి మరీ చేయించాడు.. ఆ సినిమా సూపర్ హిట్ అయింది.. నాకు బాగా ప్లస్ అయింది.. ఇప్పుడు ఇక్కడి కూడా పట్టుబట్టి మరీ రప్పించాడు.. ఇది కూడా హిట్ అవుతుందని అనుకుంటున్నాను అంటూ నాని చకచకా మాట్లాడేసి వెళ్లిపోయాడు. షూటింగ్ ఉంది.. అందుకే వెళ్తున్నానను క్షమించండంటూ చెప్పేశాడు.