Naga Chaitanya : ఈ ఏడాది అక్కినేని నాగచైతన్యకు కలిసోచ్చినట్టుంది. బంగార్రాజుతో సంక్రాంతి కి వచ్చి సాలిడ్ హిట్ అందుకున్న చైతూ ఇక ఆ తర్వాత వరుస సినిమాలతో బిజీ అయ్యాడు. సమంత తో విడాకులు కెరీర్ పై ప్రభావం చూపుతుంది అనుకున్న మునుపటికంటే ఎక్కువ ఉత్సాహంతో సినిమాల్లో బిజీ అయ్యాడు. బంగార్రాజు తర్వాత వరుస సినిమాలతో బిజీ అయ్యాడు. థాంక్యూ సినిమాతో రానున్నాడు. రాశి ఖన్నా ఈ సినిమాలో హీరోయిన్ గా నటిస్తోంది.
విక్రమ్ కుమార్ దర్శకత్వంలో వస్తున్న ఈ సినిమా పై అంచనాలు భారీగా ఉన్నాయి. ఇక విక్రమ్ కుమార్ తోనే ఒక వెబ్ సిరీస్ కూడా నటిస్తున్నాడు. ఇందులో నెగెటివ్ పాత్రలో కనిపించనున్నాడు.ఈ వెబ్ సిరీస్ కు దూత్ అనే పేరును ఖరారు చేసారు.
ఇక నాగచైతన్య మరో అరుదైన రికార్డును అందుకున్నాడు. ఇంస్టాగ్రామ్ లో 7మిలియన్ ఫాలోయర్స్ తో రికార్డ్ సెట్ చేసాడు. దీంతో అభిమానులు పండగ చేసుకుంటున్నారు. కుర్రకారులో మంచి క్రేజ్ సంపాదించుకున్న నాగచైతన్య సామాజిక మధ్యమాల్లో ఆక్టివ్ గా ఉంటారు.