Natural Star Nani: నేచురల్ స్టార్ నాని తన కెరీర్‌లో మరో ఇంట్రెస్టింగ్ ప్రాజెక్ట్‌కు సిద్ధమవుతున్నాడు. సరిపోదా శనివారం హిట్ తరువాత, ప్రస్తుతం ఆయన ‘హిట్ 3’ (Hit 3) మూవీ షూటింగ్‌లో ఉన్నారు. ఈ చిత్రాన్ని పూర్తి చేసిన వెంటనే, ‘దసరా’ ఫేమ్ శ్రీకాంత్ ఓదేల (Srikanth Odela) దర్శకత్వంలో కొత్త సినిమాను ప్రారంభించనున్నారు. సుధాకర్ చెరుకూరి ఈ చిత్రాన్ని భారీ బడ్జెట్‌తో నిర్మిస్తున్నారు. ఇప్పుడు అందరి దృష్టి ఈ సినిమా కాస్టింగ్‌పై ఉంది. కథకి కీలకమైన ప్రతినాయకుడి పాత్ర కోసం కలెక్షన్ కింగ్ మోహన్ బాబుని (Mohan Babu) ఎంపిక చేసినట్లు సమాచారం.
మోహన్ బాబు (Mohan Babu) గతంలో ఎన్నో గుర్తుండిపోయే విలన్ పాత్రలతో ప్రేక్షకులను ఆకట్టుకున్నారు. ఆయన విలనిజం ప్రత్యేకంగా చెప్పుకోనవసరం లేదు. అయితే, చాలా కాలం తర్వాత మోహన్ బాబు విలన్ పాత్రలో నటించబోతున్నారు అనే వార్త టాలీవుడ్‌లో హాట్ టాపిక్‌గా మారింది. ఈ సినిమాలో నాని క్యారెక్టర్ చాలా వైలెంట్ షేడ్స్ కలిగినదిగా ఉంటుందని సమాచారం. ఇది నాని (Natural Star Nani) కెరీర్‌లోనే అత్యంత రఫ్ అండ్ టఫ్ రోల్‌గా ఉండబోతోందని తెలుస్తోంది.
Natural Star Nani: మలయాళ దర్శకుడికి ఓకే చెప్పిన నాని
అలాగే, మోహన్ బాబు (Mohan Babu) పాత్ర కూడా చాలా పవర్‌ఫుల్‌గా ఉంటుందని ప్రచారం జరుగుతోంది. దర్శకుడు శ్రీకాంత్ ఓదేల (Srikanth Odela), ఈ ఇద్దరు నటుల మధ్య సీన్స్‌ను చాలా ఎమోషనల్‌గా, థ్రిల్లింగ్‌గా డిజైన్ చేసినట్లు సమాచారం. ఈ చిత్రానికి అనిరుద్ రవిచందర్ సంగీతం అందిస్తున్నారు. నాని (Natural Star Nani) ఫ్యాన్స్ మాత్రమే కాకుండా, మోహన్ బాబు అభిమానులు కూడా ఈ చిత్రంపై ఆసక్తిగా ఎదురుచూస్తున్నారు. టాలీవుడ్‌లో రియలిస్టిక్ పెర్ఫార్మెన్స్‌కు నాని (Natural Star Nani) పేరు ఒక బ్రాండ్, విలక్షణ నటనకు మోహన్ బాబు పేరుగా నిలిచారు.
ఈ ఇద్దరు ఒకే స్క్రీన్‌పై కనిపించబోతున్నారు అనే వార్త సినీ ప్రేమికుల్లో భారీ అంచనాలను పెంచేసింది. ఇదిలా ఉండగా, మోహన్ బాబు (Mohan Babu) ప్రస్తుతం మంచు విష్ణు రూపొందిస్తున్న ‘కన్నప్ప’ (Kannappa) మూవీలో కీలక పాత్ర పోషిస్తున్నారు. అలాగే, మంచు మనోజ్ కూడా తన కొత్త చిత్రాల్లో ప్రతినాయక పాత్రలతో ప్రయోగాలు చేస్తున్నారు.
