మెగాస్టార్ చిరంజీవి తల్లి అంజనాదేవి అనారోగ్యంతో ఆసుపత్రిలో చేరిందనే వార్తలు సోష‌ల్ మీడియాలో బాగా హల్చల్ చేస్తున్నాయి. కొన్ని ప్రధాన మీడియా సంస్థలు కూడా ఈ వార్తలను ప్రచురించడంతో మెగా ఫ్యాన్స్ కాస్త ఆందోళనకు గురయ్యారు. అయితే, ఈ ప్రచారంపై చిరంజీవి స్వయంగా ట్విటర్ వేదికగా స్పందిస్తూ స్పష్టత ఇచ్చారు.
చిరంజీవి తన ట్వీట్‌లో, “మా తల్లి ఆరోగ్యం విషయంలో కొన్ని మీడియా కథనాలు నా దృష్టికి వచ్చాయి. ఆమె రెండు రోజులుగా కొంచెం అస్వస్థతగా ఉన్నారు కానీ, ప్రస్తుతం పూర్తి ఆరోగ్యంగా ఉన్నారు. ఎలాంటి ఆందోళన అవసరం లేదు” అని తెలిపారు. ఆయన ట్వీట్ చేసిన వెంటనే, అభిమానులు కాస్త ఊపిరి పీల్చుకున్నారు.
అసలు ఈ అనారోగ్య వార్తలు ఎలా బయటకు వచ్చాయంటే, ఇటీవల అంజనాదేవి రొటీన్ చెకప్ కోసం హాస్పిటల్‌కి వెళ్లిన సమయంలో, కొందరు ఈ విషయాన్ని తప్పుగా అర్థం చేసుకుని అనారోగ్యం అనే వార్తలు ప్రచారం చేశారు. ఈ వార్తలు విపరీతంగా వైరల్ కావడంతో మెగా ఫ్యామిలీపై అనవసర ఒత్తిడి ఏర్పడింది.
ఇలాంటి పరిస్థితిలో చిరంజీవి ముందుకు వచ్చి స్వయంగా వివరణ ఇవ్వడం మెగా ఫ్యాన్స్‌కు కాస్త రిలీఫ్ ఇచ్చింది. ఆయన మీడియాకు విజ్ఞప్తి చేస్తూ, “ఇలాంటి నిర్ధారణ లేని వార్తలు ప్రచురించకండి. మీ అర్థం చేసుకోవడాన్ని మేం మెచ్చుకుంటాం” అని తెలిపారు. ఇకపోతే, అంజనాదేవి ఎప్పటికప్పుడు హెల్త్ చెకప్ కోసం హాస్పిటల్‌కి వెళ్లడం పరిపాటి. మెగా కుటుంబం ఆమె ఆరోగ్యంపై ఎప్పుడూ ప్రత్యేక శ్రద్ధ వహిస్తోంది. ఆమెకు ఎలాంటి సమస్యలు లేవని, ప్రస్తుతం ఆమె ఇంట్లో విశ్రాంతి తీసుకుంటున్నారని కుటుంబసభ్యులు తెలిపారు.
