మెగా మేనల్లుడు వైష్ణవ్ తేజ్ హీరోగా పరిచయం అవుతున్న సినిమా ‘ఉప్పెన’. తమిళ స్టార్ హీరో విజయ్ సేతుపతి ఈ సినిమాలో ప్రధాన పాత్ర పోషిస్తున్నాడు. ఇక ఈ సినిమాకి సుకుమార్ కథ అందిస్తుండగా.. ఆయన శిష్యుడు బుచ్చిబాబు సానా దర్శకత్వం వహిస్తున్నారు. కాగా ఈ సినిమా ద్వారా టాలీవుడ్ కి కృతి శెట్టి హీరోయిన్ గా పరిచయం అవుతోంది. ఈ సినిమా అన్ని కార్యక్రమాలు పూర్తి చేసుకొని రిలీజ్ కి రెడీగా ఉన్న సంగతి తెలిసిందే. ఇక ఇప్పటికే ఈ సినిమా నుంచి రిలీజైన ‘నీ కన్ను నీలి సముద్రం’ అన్న సాంగ్ ప్రేక్షకులను బాగా ఆకట్టుకుంది.
అంతేకాదు ఈ సాంగ్ తో హీరోయిన్ కృతి శెట్టి టాలీవుడ్ మేకర్స్ తో పాటు యంగ్ హీరోల దృష్ఠిని ఆకర్షించింది. ఇప్పటికే పలువు యంగ్ హీరోలు ఈ యంగ్ బ్యూటీ గురించి ఆరా తీస్తూ తమ సినిమాలలో నటింపజేయాలని చూస్తున్నట్టు సమాచారం. అయితే అనూహ్యంగా కృతి శెట్టి కి నేచురల్ స్టార్ నాని సరసన నటించే అవకాశం దక్కించుకుందని సమాచారం.
నాని ఇటీవలే వి సినిమాతో ప్రేక్షకుల ముందుకు వచ్చిన సంగతి తెలిసిందే. ఈ సినిమా అనుకున్నంతగా ప్రేక్షకులను ఆకట్టుకోకపోవడంతో వెంటనే మరో సినిమాతో ప్రేక్షకుల ముందుకు వచ్చేందుకు సన్నాహాలు చేసుకుంటున్నాడట. ఈ క్రమంలోనే ఇప్పటికే సగ భాగం కంప్లీటయిన టక్ జగీష్ చిత్రీకరణలో పాల్గొంటున్నాడు.
అలాగే టాక్సీవాలా సినిమాతో టాలెంటెడ్ డైరెక్టర్ గా పేరు తెచ్చుకున్న యంగ్ డైరెక్టర్ రాహుల్ సంకృత్యన్ డైరెక్షన్ లో శ్యాం సింగ్ రాయ్ సినిమాని వీలైంత త్వరగా సెట్స్ మీదకి తీసుకు వెళ్ళాలని నాని ప్లాన్ చేస్తున్నాడట. ఈ క్రమంలోనే ఈ సినిమాలో ఉన్న ఒక హీరోయిన్ గా ఉప్పెన హీరోయిన్ కృతి శెట్టి ని తీసుకున్నట్టు వార్తలు వస్తున్నాయి.
వాస్తవంగా ఈ సినిమాలో సాయి పల్లవి మేయిన్ హీరోయిన్ అని అంటున్నారు. మరి కృతి శెట్టి సెకండ్ హీరోయిన్ గా నటించబోతుందా లేక సాయి పల్లవి ప్లేస్ లో కృతి శెట్టి రీప్లేస్ అయిందా అన్నది తెలియాల్సి ఉంది. అంతేకాదు ఇందుకు సంబంధించిన అధికారక ప్రకటన కూడా వెలువడాల్సి ఉంది.