“SSMB28” లేటెస్ట్ పోస్టర్..డిజప్పాయింట్ గా ఫ్యాన్స్.!

టాలీవుడ్ స్టార్ హీరోలు నుంచి ఓ ఫస్ట్ లుక్ పోస్టర్ టీజర్ లాంటిది వస్తుంది అని వారి ఫ్యాన్స్ లో హంగామా ఎలా ఉంటుందో తెలిసిందే. కాగా అలా ఇప్పుడు చాలా కాలం తర్వాత పెద్ద ఎత్తున సంబరాలు చేసుకోడానికి సూపర్ స్టార్ మహేష్ బాబు ఫ్యాన్స్ వంతు వచ్చింది.

అయితే మరి కొన్ని వారాల కితమే పవర్ స్టార్ పవన్ కళ్యాణ్ ఫ్యాన్స్ ఉస్తాద్ భగత్ సింగ్ గ్లింప్స్ తో అలాగే పాన్ ఇండియా హీరో ప్రభాస్ ఫ్యాన్స్ తమ ఆదిపురుష్ ట్రైలర్ లకి థియేటర్స్ లో భారీ రెస్పాన్స్ ఇచ్చారు. ఇపుడు మహేష్ 28పై అయితే మేకర్స్ అవైటెడ్ ఫస్ట్ గ్లింప్స్ ని ఇవాళ థియేటర్స్ లో సాయంత్రం రిలీజ్ చేస్తుండగా ఈ గ్లింప్స్ సహా టైటిల్ కోసం ఫ్యాన్స్ ఎంతో ఆసక్తిగా ఎదురు చూస్తున్నారు.

ఇదిలా ఉండగా ఈ సినిమా అప్డేట్స్ విషయంలో చిత్ర యూనిట్ ఇప్పుడు వరకు కొన్ని పోస్టర్స్ ఫస్ట్ లుక్ పోస్టర్ నుంచి రిలీజ్ చేశారు. అలాగే ఈరోజు సూపర్ స్టార్ కృష్ణ గారి పుట్టినరోజు కానుకగా కూడా రిలీజ్ చేశారు. అయితే ఇది కొత్త పోస్టర్ అని బాధ పడాలా లేక ఒకేలాంటి పోస్టర్స్ ని రిలీజ్ చేస్తున్నారని బాధ పడాలో మహేష్ ఫ్యాన్స్ కి అర్ధం కావట్లేదు.

సరిగ్గా గమనిస్తే ఇప్పటివరకు వచ్చిన అన్ని పోస్టర్ లలో కూడా మహేష్ బాబు ఒకటే లుక్ అండ్ షర్ట్ లో కనిపిస్తున్నాడు. దీనితో అసలు సినిమాలో మహేష్ మొత్తం అంతా ఒకే షర్ట్ లో ఉంటాడా ఇంకో కొత్త లుక్ లేదా అంటూ మహేష్ ఫ్యాన్స్ చాలా డిజప్పాయింటింగ్ గా ఇప్పుడున్నారు. ఇప్పటికే సినిమాపై ఎక్కడో తేడా కొడుతున్న ఫీల్ ఉంది దీనికి పైగా మేకర్స్ ఇలాంటి ప్లాన్ లు చేస్తుండడం ఫ్యాన్స్ ని మరింత నీరసపరుస్తున్నాయి.