Mahesh Babu:సూపర్ స్టార్ మహేష్ బాబు కొత్త చిత్రం సర్కారు వారి పాట విడుదలకు సిద్ధంగా ఉంది.ఇక మహేష్ సరసన ఈ సినిమా లో కీర్తి సురేష్ నటించింది. ఈ సినిమా ను మే 12 నా రిలీజ్ చేయడానికి సన్నాహాలు చేస్తున్నారు.ఈ సినిమా లో మహేష్ యంగ్ లుక్ తో స్టైలిష్ గా కనిపిస్తున్నారు. బ్యాంకింగ్ రంగం లో జరిగే మోసాలు గురించి సాగే కథగా సర్కారు వారి పాట సినిమా తెరకెక్కింది. అయితే యాక్షన్ తో పాటు ఎంటర్టైనర్ గా ఈ సినిమా రూపొందించారు డైరెక్టర్ పరశురామ్.ఈ సినిమాకు సంబంధించి విడుదలైన టీజర్ గ్లింస్ కి కూడా విశేష స్పందన వచ్చింది.
ఇక ఈ సినిమా నుండి ‘కళావతి’ అనే ఫస్ట్ సింగిల్ సాంగ్‌ను ప్రేమికుల రోజు కానుకగా రిలీజ్ చేసిన సంగతి తెలిసిందే. ఇప్పటికే కళావతి సాంగ్ రికార్డ్ క్రియేట్ చేసింది. పాటకు తమన్ అందించిన సంగీతం,సిద్ శ్రీరామ్ ఈ పాటను పాడిన తీరు ఒక ఎత్తయితే, ఈ పాటకు మహేష్ వేసిన స్టెప్స్‌కు ఆయన అభిమానులతో పాటు ప్రేక్షకులు కూడా ఫుల్ ఫిదా అయ్యారు.మహేష్ వేసిన స్టెప్స్ చాలా ఈజీగా ఉండటమే కాకుండా పాటకు తగ్గట్టుగా పర్ఫెక్ట్ సింక్‌లో ఉండటంతో ఈ స్టెప్స్‌తో జనం సోషల్ మీడియాలో దుమ్ములేపారు.
తాజాగా ఈ పాట మరొక మైల్ స్టోన్ చేరుకుంది.కళావతి లిరికల్ సాంగ్ ఏకంగా 100 మిలియన్ వ్యూస్ మార్క్‌ను టచ్ చేయగా 1.7+ మిలియన్ లైకులను సంపాదించింది. మహేష్బాబు క్రియేట్ వలనే ఈ రికార్డు వచ్చింది అని అభిమానులు అభిప్రాయపడుతున్నారు. కళావతి పాటతో పాటు ఇటీవల సర్కార్ వారి పాట సినిమా నుంచి ‘పెన్నీ’ అనే రెండో సాంగ్‌ను కూడా చిత్ర యూనిట్ రిలీజ్ చేసిన సంగతి తెలిసిందే. ఈ పాటకు కూడా మంచి ఆదరణ లభించింది.