Kota Srinivas Rao: అక్టోబర్ లో జరిగిన మూవీ ఆర్టిస్ట్ అసోసియేషన్ ఎన్నికలు ఎలాంటి దుమారం రేపాయో అందరికీ తెలిసిందే. ఈ క్రమంలోనే ఈ ఎన్నికలలో భాగంగా మంచు విష్ణు ప్యానెల్, ప్రకాష్ రాజ్ ప్యానెల్ మధ్య తీవ్రస్థాయిలో మాటల యుద్ధం జరిగింది. ఇక ఈ క్రమంలోనే సీనియర్ నటుడు కోట శ్రీనివాసరావు విష్ణు ప్యానల్ కి మద్దతు తెలుపుతూ ఎన్నో ఇంటర్వ్యూలలో తన మద్దతు పూర్తిగా మంచు విష్ణుకే ఉందని అధ్యక్షుడిగా తెలుగువాళ్ళ ఎంపిక కావాలని వ్యాఖ్యానించారు.ఇదిలా ఉండగా మూవీ ఆర్టిస్ట్స్ అసోసియేషన్ ఎన్నికలు ముగిసిన తర్వాత కోటశ్రీనివాసరావు విష్ణు ప్రెసిడెంట్ గా తనకు ఓటు వేశానని అదేవిధంగా వైస్ ప్రెసిడెంట్ గా ప్రకాష్ రాజ్ ప్యానల్ నుంచి శ్రీకాంత్ కు ఓటు వేశారని తెలిపారు.
అయితే ఎన్నికలలో శ్రీకాంత్ కు ఓటు వేసి పెద్ద తప్పు చేశానని అప్పట్లో కోట శ్రీనివాసరావు ఈ విషయం గురించి మాట్లాడారు. ఇదిలా ఉండగా తాజాగా ఒక ఇంటర్వ్యూలో పాల్గొన్న కోట శ్రీనివాస్ రావును యాంకర్ శ్రీకాంత్ కు ఓటు వేసి తప్పు చేశానని అన్నారనే ప్రశ్నను లేవదీశారు. ఈ క్రమంలోనే కోట శ్రీనివాసరావు మాట్లాడుతూ అవును ఆ మాట అన్నాను. నేను ప్రకాష్ రాజ్ ప్యానెల్ కి మద్దతు తెలపలేదు అంటే అందులో ఎవరికీ ఓటు వేయనట్లు కాదు. అలాగే మంచు విష్ణుకి మద్దతు తెలిపాను అంటే అందరికీ ఓటు వేస్తాను అని అర్థం కాదు. ప్రెసిడెంట్ గా మంచు విష్ణుకి వైస్ ప్రెసిడెంట్ గా శ్రీకాంత్ కి వేసాను.
వైస్ ప్రెసిడెంట్ గా శ్రీకాంత్ గెలిచిన తర్వాత అతను పదవిలో ఉండకుండా ప్రకాష్ రాజ్ ప్యానెల్ లో గెలిచిన వారితో పాటుగా ఇతను కూడా రాజీనామా చేశారు. అలా రాజీనామా చేసిన వారికి నా ఓటు వేయడం చాలా తప్పు అని భావించాను. రాజీనామా చేసే వారికి ఓటు ఎందుకు వేయాలి అనవసరంగా నా ఓటు వృధా అయిపోయింది కదా.. అందుకే శ్రీకాంత్ కు ఓటేసి తప్పు చేశానని ఆరోజు అన్నానని ఈ ఇంటర్వ్యూలో కోట శ్రీనివాసరావు వెల్లడించారు.