Keeravani: తెలుగు చిత్ర పరిశ్రమలో ఉన్నటువంటి యంగ్ హీరోలు అందరూ ఒక్కొక్కరిగా పెళ్లి పీటలు ఎక్కుతున్నారు. ఈ క్రమంలోనే ప్రముఖ సంగీత దర్శకుడు ఎంఎం కీరవాణి కుమారుడు, హీరో శ్రీ సింహ పెళ్లి పీటలు ఎక్కబోతున్నారు. ఈయన ప్రముఖ సీనియర్ నటుడు మురళీమోహన్ మనవరాలు రాగా మాగంటితో కలిసి ఏడడుగులు వేయబోతున్నారు. తాజాగా వీరి ప్రీ వెడ్డింగ్ కి సంబంధించిన ఫోటోలు సోషల్ మీడియాలో వైరల్ అవుతున్నాయి.
హైదరాబాద్‌లోని గోల్కోండ రిసార్ట్స్ లో ఆదివారం రాత్రి ప్రీ వెడ్డింగ్ సెలబ్రేషన్స్ జరిగాయి. ఈ వేడుకకు పలువురు సినీ ప్రముఖులు ఈ వేడుకకు హాజరై సందడి చేశారు. ప్రస్తుతం ఈ ఫ్రీ వెడ్డింగ్ కి సంబంధించిన ఫోటోలు సోషల్ మీడియాలో వైరల్ అవుతున్నాయి. ఇక ఈ వేడుకలలో రాజమౌళి కుటుంబ సభ్యులతో పాటు సూపర్ స్టార్ మహేష్ బాబు కూడా హాజరయ్యారని తెలుస్తోంది.
ఇక మురళీమోహన్ కు ఇద్దరు సంతానం అనే విషయం తెలిసిందే. కూతురు విదేశాలలో స్థిరపడగా కుమారుడు రామ్ మోహన్ వ్యాపారాలను చూసుకుంటూ ఇండియాలోనే ఉన్నారు. రామ్మోహన్ రూప దంపతులకు కుమార్తె రాగ కీరవాణి ఇంట కోడలుగా అడుగుపెట్టబోతున్నారు. ఇక రూపా సైతం తమ కుటుంబ వ్యాపారాలను చూసుకుంటూ వ్యాపారవేత్తగా కొనసాగుతున్నారు.
శ్రీ సింహ విషయానికి వస్తే ఈయన బాల నటుడిగా పలు సినిమాలలో నటించారు. ఇక హీరోగా కూడా ప్రస్తుతం సినిమాలలో నటిస్తున్నారు. శ్రీ సింహ కీరవాణికి రెండో సంతానం. ఇక మొదటి అబ్బాయి కాలభైరవ కూడా సినిమా ఇండస్ట్రీలోనే కొనసాగుతూ సినిమా వ్యవహారాలను చూసుకోవడమే కాకుండా సింగర్ గా కూడా మంచి సక్సెస్ అయ్యారు. ఇంకా కాలభైరవ పెళ్లి చేసుకోనప్పటికీ శ్రీ సింహ పెళ్లి చేసుకుంటున్న తరుణంలో ఇది ప్రేమ వివాహమా అనే చర్చలకు కారణమయ్యే కానీ ఇది పెద్దలు కుదుర్చిన వివాహమని గతంలో మురళీమోహన్ వెల్లడించారు. ఇక ఈ కార్యక్రమంలో మహేష్ బాబు స్పెషల్ అట్రాక్షన్ గా నిలిచారు. అలాగే నరేష్ పవిత్ర లోకేష్ కూడా జంటగా ఈ పెళ్లి వేడుకలలో సందడి చేశారు.