ప్రముఖ కన్నడ స్టార్ హీరో చిరంజీవి సర్జ గురించి పరిచయం అవసరం లేదు. ఎన్నో సూపర్ హిట్ సినిమాలలో నటించిన చిరంజీవి సర్జా స్టార్ హీరోగా గుర్తింపు పొందాడు. కన్నడ నటి మేఘన రాజ్ ని ప్రేమించి పెద్దల అంగీకారంతో వివాహం చేసుకున్నాడు. ఎంతో ఆనందంగా జీవించిన వీరి జీవితంలో చిరంజీవి సర్జా హఠాన్మరణం తీవ్ర విషాదాన్ని నింపింది. దాదాపు 10 సంవత్సరాల పాటు ప్రేమించుకున్న వీరు 2018లో వివాహ బంధంలోకి అడుగుపెట్టారు. ఈ క్రమంలో 2020లో చిరంజీవి సర్జా గుండెపోటుతో మరణించాడు. అప్పటికే మేఘన కొన్ని నెలల గర్భం తో ఉంది.
ప్రాణంగా ప్రేమించిన భర్త ఇలా హఠాత్తుగా మరణించడంతో మేఘన కుప్పకూలిపోయింది. జీవితంలో ఏం నిర్ణయం తీసుకోవాలో కూడా అర్థం చేసుకోలేకపోయింది. తన కడుపులో పెరుగుతున్న బిడ్డను తన భర్త ప్రతిరూపంగా భావించి చిన్నారి బాగోగులు చూసుకుంటూ కొంతకాలం ఇంటికే పరిమితం అయ్యింది. ఈ క్రమంలో మేఘన రెండవ వివాహం చేసుకోబోతోంది అంటూ సోషల్ మీడియాలో రూమర్లు చక్కర్లు కొడుతున్నాయి. ఇటీవల ఒక ఇంటర్వ్యూ లో పాల్గొన్న మేఘన తన రెండవ పెళ్ళి గురించి ఆసక్తికర వ్యాఖ్యలు చేసింది. ఈ క్రమంలో మేఘన మాట్లాడుతూ.. కొందరు నన్ను మళ్లీ పెళ్ళి చేసుకోమంటున్నారు . మరికొందరు నా బిడ్డను బాగా చూసుకుంటూ అతడితోనే ఉండమని సలహాలు ఇస్తున్నారు అంటూ చెప్పుకొచ్చింది.
నేను ఎవరి మాట వినాలో నాకు అర్థం కావడం లేదు . చిరంజీవి ఉన్నప్పుడు ” మన గురించి ఈ ప్రపంచం ఏమనుకుంటుందనేది పట్టించుకోకుండా.. మన మనసుకు ఏదనిపిస్తే అదే చేయమని చెప్పేవాడు” అంటూ వెల్లడించింది. అయితే ఇప్పటివరకు నా రెండో పెళ్ళి గురించి నేను ఆలోచించలేదు. రేపు ఏం జరుగుతుందనే ఆలోచన కూడా నాకెప్పుడూ రాలేదు అని చెప్పుకొచ్చింది. భర్త మరణం తర్వత కొంతకాలం ఇంటికే పరిమితమైన మేఘన ఇప్పుడు షూటింగ్ లో పాల్గొంటోంది. బుద్ధివంత 2 సినిమా ద్వారా మేఘన ప్రేక్షకుల ముందుకు రానుంది.