Director Siva: కోలీవుడ్‌ స్టార్‌ డైరెక్టర్‌ శివ కాంపౌండ్‌ నుంచి వచ్చిన చిత్రం ‘కంగువ’. పీరియాడిక్‌ యాక్షన్‌ డ్రామా నేపథ్యంలో వచ్చిన ఈ చిత్రంలో సూర్య టైటిల్‌ రోల్‌లో నటించగా.. బాలీవుడ్‌ భామ దిశాపటానీ ఫీ మేల్‌ లీడ్‌ రోల్‌లో నటించింది. బాబీ డియోల్‌ కీలక పాత్ర పోషించిన ఈ మూవీ తెలుగు, తమిళంతోపాటు పాన్‌ ఇండియా స్థాయిలో గ్రాండ్‌గా విడుదలైంది.
భారీ అంచనాల మధ్య విడుదలైన ఈ చిత్రం మిక్స్‌ డ్‌ టాక్‌ తెచ్చుకుంటోంది. కాగా ఇదిలా ఉంటే ప్రమోషనల్‌ ఇంటర్వ్యూలో శివ చేసిన కామెంట్స్‌ నెట్టింట వైరల్‌ అవుతున్నాయి. రాబోయే రోజుల్లో భారీ ప్రాజెక్టులను నిర్మించే ప్లాన్‌ చేస్తున్నట్టు చేస్తున్నట్టు చెప్పాడు. కంగువలా ఔట్‌ ఆఫ్‌ ది బాక్స్‌ కాన్సెప్స్‌తో ఐదు నుంచి ఆరు స్క్రిప్టులు నా దగ్గరున్నాయి. అవన్నీ డిఫరెంట్‌ జోనర్‌లో ఆసక్తికర నేపథ్యాలతో కూడుకున్నవి.
Kanguva Movie Review: కంగువ మూవీ రివ్యూ & రేటింగ్…
దేవుడి ఆశీస్సులతో ఆ సినిమాలు చేస్తానని క్లారిటీ ఇచ్చాడు శివ. ఒకవేళ కంగువ అన్ని భాషల్లో బాగా వర్కవుట్‌ అయితే.. అది శివ ఇతర ఇండస్ట్రీలో యాక్టర్లలో సినిమాలు చేసేందుకు ఉపయోగపడుతుందనడంలో ఎలాంటి సందేహం లేదు. స్టూడియో గ్రీన్‌-యూవీ క్రియేషన్స్‌ బ్యానర్లపై సంయుక్తంగా తెరకెక్కిన కంగువ ఫ్రెంచ్‌, స్పానిష్‌, ఇంగ్లీష్‌ సహా ఎనిమిది భాషల్లో గ్రాండ్‌గా విడుదలైంది. ఈ చిత్రానికి రాక్‌ స్టార్‌ దేవీ శ్రీ ప్రసాద్‌ మ్యూజిక్‌, బ్యాక్‌ గ్రౌండ్‌ స్కోర్‌ అందించాడు.
కంగువ చిత్రాన్ని నైజాం ఏరియాలో పాపులర్‌ టాలీవుడ్‌ ప్రొడక్షన్‌ హౌస్‌ మైత్రీ మూవీ మేకర్స్‌ విడుదల చేయగా.. ఓవర్సీస్‌ విషయానికొస్తే నార్త్‌ అమెరికాలో, యూకేలో యశ్‌ రాజ్‌ ఫిలిమ్స్‌ , సింగపూర్‌లో హోం స్క్రీన్‌, గల్ఫ్‌ దేశాల్లో రిలీజ్‌ చేశాయి. కంగువ బాక్సాఫీస్‌ కలెక్షన్లు ఎలా ఉండబోతున్నాయన్నది తెలియాల్సి ఉంది.
