స్వర్గీయ అతిలోక సుందరి శ్రీదేవి కూతురు జాన్వి కపూర్ సోషల్ మీడియలో చేసే రచ్చ అంతా ఇంతా కాదు. ఈ లాక్ డౌన్‌లో ఎన్నో కొత్త విషయాలను నేర్చుకుంది. పెయింటింగ్‌లు వేస్తూ తనలోని ప్రతిభను అందరికీ పరిచయం చేసింది. చిన్న పిల్లలా మారిపోయి బుద్దిగా పెయింటింగ్‌లో శిక్షణ తీసుకున్నట్టుగా అందంగా చిత్రాలను గీసింది. ఇక ఈ డ్రాయింగ్స్ సోషల్ మీడియాలో ఎంతగా వైరల్ అయ్యాయో అందరికీ తెలిసిందే.
సోషల్ మీడియాలో హల్చల్ చేస్తూ సక్సెస్ అయిన జాన్వీ.. వెండితెరపై అంతగా సక్సెస్ కాలేకపోతోంది. మొదటి చిత్రం ధడక్‌ కూడా అంతగా వర్కౌట్ కాలేదు. ఆపై గుంజన్‌ సక్సేనా: ది కార్గిల్‌ గర్ల్‌‌పై ఆశలు పెట్టుకుంది. అయితే అది ఓటీటీలో అవ్వడం మొదటి మైనస్ అయితే.. మిక్స్‌డ్ టాక్ వచ్చిన జాన్వీకి చేదు ఫలితాన్ని ఇవ్వడం రెండో మైనస్. ఇలా జాన్వీకి తాను చేసిన ఏ చిత్రాలు కలిసి రావడం లేదు.
కానీ సోషల్ మీడియాలో ఫోటోలు, డ్యాన్స్ వీడియోలు, బుల్లి నిక్కర్లు వేసుకుని చేసే రచ్చతో బాగా పాపులర్ అయింది. తాజాగా తాను గుంజన్‌ సక్సేనా: ది కార్గిల్‌ గర్ల్‌ సినిమా కోసం రిహార్సల్స్ చేసిన వీడియోను షేర్ చేసింది. అందులో బుల్లి నిక్కరు వేసుకుని ముద్దుముద్దుగా స్టెప్పులు వేసింది. ప్రస్తుతం ఈ వీడియో తెగ వైరల్ అవుతోంది. ప్రస్తుతం ఆమె చేతిలో ‘తఖ్త్‌’, ‘రూహీ అఫ్జా’, ‘దోస్తానా 2’ ఉన్నాయి.